![Ndertuesit ankohen: Diten ndalohen betonieret, naten policia nderpret punimet Ndertuesit ankohen: Diten ndalohen betonieret, naten policia nderpret punimet](images/news/ndertue4s ndalime.jpg)
Sektori bankar u rrit me 4.7 per qind ne vitin 2023
Sipas të dhënave nga Banka e Shqipërisë, totali i aktiveve të sektorit në fund të vitit 2023 arriti në 1.965 trilionë lekë.
Ritmi i rritjes së aktiveve u ngadalësua nga niveli prej 5.8% i vitit 2022, por megjithatë vlerësohet se përcaktues në ngadalësimin e rritjes së sektorit bankar ishte efekti i kursit të këmbimit.
Në fund të vitit 2023, kursi i këmbimit Euro-Lek ishte në rënie vjetore me 9.1% dhe kjo ndikoi edhe vlerën e aktiveve në monedhën europiane të sektorit bankar.
51% e aktiveve totale të sektorit bankar janë në valutë të huaj dhe kryesisht në Euro. Megjithatë, pesha specifike e aktiveve në valutë pësoi rënie nga niveli prej 52.8% i fundit të vitit 2022, pikërisht për shkak të efektit të kursit të këmbimit.
Rritja e aktiveve gjatë vitit të kaluar u përqendrua kryesisht në segmentin e letrave me vlerë të borxhit. Totali i investimit në letra me vlerë arriti në 682.7 miliardë lekë, në rritje me 10.5% krahasuar me një vit më parë.
Gjatë vitit të kaluar, normat e interesit të Euros dhe Dollarit Amerikan në tregjet ndërkombëtare shënuan rritje të ndjeshme, duke ndjekur lëvizjet shtrënguese monetare të bankave qendrore përkatëse.
Kjo u reflektua në një tendencë përgjithësisht rritëse të yield-eve, duke rritur kthimet nga titujt e borxhit në valutë të huaj.
Kjo ndikoi paralelisht edhe në rritjen e vlerës së aktiveve jorezidente, që arritën në 422.7 miliardë lekë, në rritje me 6.8% krahasuar me fundin e vitit 2022.
Ndërkohë, në monedhën vendase yield-et e titujve të qeverisë e frenuan rritjen e shpejtë të gjysmës së dytë të vitit 2022, por megjithatë bankat vazhduan rritjen e investimeve në këto instrumente, që vazhdojnë të ofrojnë kthime mjaft të kënaqshme në raport me rrezikun.
Portofoli bruto i kredisë (pa zbritur provigjionet për kreditë me probleme) në fund të vitit të kaluar arriti në 735.9 miliardë lekëve, në rritje me 3.4% krahasuar me fundin e vitit 2022.
Rritja e kredisë në terma bruto është pak më e ulët se ajo e raportuar në terma neto, për shkak të rritjes së totalit të provigjioneve.
Sipas Bankës së Shqipërisë, gjendja e provigjioneve për mbulimin e humbjeve nga huatë në fund të vitit 2023 arriti në 22.4 miliardë lekë, në rritje me 8.4% krahasuar me një vit më parë.
Gjithashtu, vlerësohet se portofoli i kredisë është ndikuar më shumë nga efekti negativ i kursit të këmbimit, për shkak të peshës më të lartë të aktiveve në valutë krahasuar me zërin e investimeve në letra me vlerë.
Grupi tjetër i rëndësishëm i aktiveve, ai i veprimeve me thesarin dhe ndërbankare, vitin e kaluar pësoi rënie në 510.4 miliardë lekë, 1.8% më pak krahasuar me një vit më parë.
Ky grup përfshin zërat me likuidë të aktiveve, si mjetet monetare, vendosjet me bankën qendrore, bonot e thesarit dhe vendosjet në bankat dhe institucionet e tjera financiare, kryesisht jashtë vendit./Burimi: Monitor https://www.monitor.al/sektori-bankar-u-rrit-me-4-7-vitin-e-kaluar/
Më të lexuarat
![Ndertuesit ankohen: Diten ndalohen betonieret, naten policia nderpret punimet Ndertuesit ankohen: Diten ndalohen betonieret, naten policia nderpret punimet](images/news/ndertue4s ndalime.jpg)
![Mallrat e akcizes, rekord ne 6 mujor: Me shume karburante, kafe, cigare dhe birre Mallrat e akcizes, rekord ne 6 mujor: Me shume karburante, kafe, cigare dhe birre](images/news/mallra akcize zhdoganime rekord gjashte muaj.jpg)
![Treni Tirane-Durres, 193 mln leke per shpronesimet, publikohet lista me 74 prona Treni Tirane-Durres, 193 mln leke per shpronesimet, publikohet lista me 74 prona](images/news/dosjet e pronave shpronesime hekurusha.jpg)
![Prodhimi i pullave fiskale i kalon shtetit, hiqet tarifa per markimin e karburanteve Prodhimi i pullave fiskale i kalon shtetit, hiqet tarifa per markimin e karburanteve](images/news/akciza karburante hiqet kostoja tarifa.jpg)
![Granti i BE per Vore-Hani i Hotit, nenshkruhet marreveshja 136 mln euro Granti i BE per Vore-Hani i Hotit, nenshkruhet marreveshja 136 mln euro](images/news/mareveshja grant be vore hani hotit.jpg)
![Italia projekt per Korridor Hidrogjeni, transport nga Mesdheu Jugor deri ne Europen Veriore Italia projekt per Korridor Hidrogjeni, transport nga Mesdheu Jugor deri ne Europen Veriore](images/news/hidrogjen itali korridori europe mesdhe.jpg)
![Klima e biznesit ne Gjermani perkeqesohet ne korrik, renia e dyte rradhazi Klima e biznesit ne Gjermani perkeqesohet ne korrik, renia e dyte rradhazi](images/news/klima biznesit gjermani perkeqesim.jpg)
![Skema Kombetare ne bujqesi, nis ndarja e fondeve per fermeret dhe blegtoret Skema Kombetare ne bujqesi, nis ndarja e fondeve per fermeret dhe blegtoret](images/news/subvencione shqiperi nis financimi blektori bujqesi.jpg)
![Autostradat ne Kroaci rrisin cmimet e tarifave per here te pare pas 4 vitesh Autostradat ne Kroaci rrisin cmimet e tarifave per here te pare pas 4 vitesh](images/news/autostradat gjermani ndryshim tarifa cmime.jpg)
![Buxheti akumulon 500 mln euro suficit ne qershor, 141 per qind me shume se plani buxhetor Buxheti akumulon 500 mln euro suficit ne qershor, 141 per qind me shume se plani buxhetor](images/news/plani buxhetor suficit qeveria.jpg)