Nga kioskat te ndertesat, ne Tirane u shemben 135 objekte, bllokohen 114 objekte

Qeveria në shtatorin e 2022, ndërmori një aksion ku përmes një VKM-je, do sekuestroheshin për llogari të shtetit apo blerjen e kateve pa leje të ndërtuara nëpër pallate.

Por si ka vijuar kjo në kryeqytet ku boom-i i ndërtimeve vijon me ritme të shpejta? Referuar të dhënave të Open Data Tirana, vetëm në 2023, shtatë objekte u janë nënshtruar kontrolleve për pezullim punimesh.

Një objekt në Njësinë Administrative numër 3, si dhe 6 objekte në njësitë administrative 5 dhe 9. Po në të njëjtat të dhëna, raportohet se në vitin që lamë pas janë gjithsej 135 objekte të prishura në qarkun e Tiranës, duke nisur nga kioskat e deri te ndërtesat e lokalet.

Ndërsa përsa i përket urdhrave të bllokimit, janë 114 të tillë. Arsyet e urdhrave të bllokimit vijnë si pasojë e mospagesës së taksave vendore, mos regjistrimit si subjekt tatimor, si dhe për lirim hapësirash. Për ndërtimet pa leje janë vendosur gjithsej 9 gjoba në qarkun e Tiranës./Burimi: SCAN

Më të lexuarat