Bllokohet per 1 jave segmenti Kukes-Morine, ja si devijohet qarkullimi
Segmenti 3 km i aksit Kukës-Morinë në rrugën e Kombit do jetë i bllokuar deri në përfundim të punimeve të shtresave rrugore në të dy anët e Urës së Re mbi lumin Drin.
Asnjë automjet nuk do të qarkullojë edhe për një periudhë 1-javore sa është planifikuar bllokimi deri në përafrimin e Urës mbi bazament.
Sipas një njoftimi zyrtar të Kompanisë Konçensionare, devijimi i lëvizjes së mjeteve bëhet te Ura Drinit të Zi-Rruga hyrëse në qytetin e Kukësit dalja për Kosovë në nyjën e Shtiqenit.
Ndërsa për lëvizjen nga Morina në Milot, devijimi i lëvizjes bëhet, tek rampa dalëse e mbikalimit të Gostilit tek nyja e re e aeroportit dhe dalja në urën e Drinit të Zi.
Policia është angazhuar për të menaxhuar trafikun që do të krijohet nga ky devijim, për shkak të fluksit të lartë të mjeteve e veçanërisht atyre te transportit të mallrave dhe tonazhit të rëndë.
Nga përdoruesit e rrugës kërkohet që të ecin me shpejtësi të reduktuar dhe të respektojnë me rigorozitet sinjalistikën rrugore gjatë procesit të devijimit të të gjithë trafikut nga aksi rrugor 3 km I Rrugës së Kombit.
Kujtojmë se Bllokimi i segmentit dhe devijimi i trafikut ndodhi edhe kohë parë për të cilin u bë e ditur se bllokimi do të bej për 12 ditë deri në përfundimin e zhvendosjes se urës metalike mbi Drin.
Ura e re do të jetë e gatshme në sezonin e ri turistik të kësaj vere dhe përmbyll përfundimisht piken nevralgjike të rrugës së Kombit, e cila krijonte trafik gjatë sezonit të verës./Burimi: abcnews.al
Asnjë automjet nuk do të qarkullojë edhe për një periudhë 1-javore sa është planifikuar bllokimi deri në përafrimin e Urës mbi bazament.
