Prilli me i nxehte ne histori, 2024 mund te thyeje rekordet per te dytin vit radhazi
Nxehtësia e jashtëzakonshme globale vijon rekordet e saj.
Muajin e kaluar, bota përjetoi prillin më të nxehtë të regjistruar, sipas të dhënave nga Copernicus, shërbimi i monitorimit të klimës në Bashkimin Evropian.
Prilli i vitit 2024 ishte më i ngrohti i regjistruar në histori, me një temperaturë mesatare të ajrit sipërfaqësor prej 15,03 gradë, 0,67°C mbi mesataren e prillit për periudhën e referencës tridhjetëvjeçare 1991-2020 dhe 0,14 °C mbi rekordin e mëparshëm të prillit 2016.
Prilli 2024 ishte gjithashtu 1,58°C më i ngrohtë se mesatarja e prillit paraindustrial (1850-1900).
Kjo shënon muajin e 11-të radhazi me temperatura të paprecedenta globale. Me këtë pikë të re të të dhënave, disa shkencëtarë paralajmërojnë se ka shumë shanse që vitit 2024 të mund të kalojë 2023-in si viti më i ngrohtë i regjistruar, raportin CNN.
Muaji i kaluar ishte 1.58 gradë Celsius më i ngrohtë se mesatarja e prillit në epokën para industrializimit dhe 0.67 gradë mbi mesataren e prillit midis viteve 1991 dhe 2020, zbuloi Copernicus.
Ndikimet e klimës kanë qenë të forta. Pjesë të Azisë janë përballur me nxehtësinë vdekjeprurëse: shkollat u mbyllën për miliona fëmijë në Bangladesh, ndërsa fushat e orizit janë tkurrur në Vietnam.
Nxehtësia e paprecedentë globale po nxitet nga tendenca afatgjatë e ngrohjes globale - e shkaktuar kryesisht nga njerëzit që djegin lëndë djegëse fosile, e nxitur nga El Niño, një model klimatik natyror që tenton të ketë një ndikim të ngrohjes./Burimi: Shqiptarja.com
Muajin e kaluar, bota përjetoi prillin më të nxehtë të regjistruar, sipas të dhënave nga Copernicus, shërbimi i monitorimit të klimës në Bashkimin Evropian.
