Testohet ne Diber projekti pilot i pagesave te shpejta
Zëvendëskryeministrja, Belinda Balluku dhe ministrja e Shtetit për Sipërmarrjen dhe Klimën e Biznesit, Delina Ibrahimaj prezantuan në Dibër projektin pilot të pagesave të shpejta.
Një projekt i cili synon modernizimin dhe efikasitetin e sistemeve të pagesave për konsumatorët dhe bizneset shqiptare. Në Dibër u testua kjo metodë e re pagese në dy subjekte tregtare: një farmaci dhe një librari.
Zv.kryeministrja Balluku tha se projekti ka në fokus modernizimin dhe efikasitetin e sistemit të pagesave, përmes përdorimit të teknologjive dixhitale.
Në këtë fazë të parë janë përzgjedhur 100 familje dhe 20 biznese. “Përmes kësaj nisme synojmë të promovojmë inovacionin në sektorin financiar, si dhe të përmirësojë përfshirjen financiare për të gjithë qytetarët, duke rritur edhe sigurinë”, u shpreh ajo.
Ministrja Ibrahimaj tha se qëllimi i këtij projekti është të lehtësojë ndërveprimin qytetar-biznes, duke garantuar pagesa të shpejta, të sigurta dhe më pak të kushtueshme.
Përmes kësaj inciative, qeveria shqiptare dhe institucionet financiare synojnë të ulin përdorimin e pagesave me para fizike, si dhe të rrisin përdorimin e teknologjive digjitale.
Projekti do të zbatohet për periudhën kohore, maj-gusht 2024, në Tiranë, Dibër dhe Përmet ku janë përzgjedhur 300 persona. Gjithashtu, subjektet tregtare të përzgjedhura janë të regjistruara dhe lëshojnë faturë tatimore në përputhje me legjislacionin./Burimi: Oranews.al
Një projekt i cili synon modernizimin dhe efikasitetin e sistemeve të pagesave për konsumatorët dhe bizneset shqiptare. Në Dibër u testua kjo metodë e re pagese në dy subjekte tregtare: një farmaci dhe një librari.
