Made in Albania, makina e pare e blinduar ushtarake do prezantohet ne Panairin e Parisit
Ministri i Mbrojtjes Niko Peleshi ka zbuluar se pas tre javësh në panairin Eurosatory në Paris do të prezantojë makinën e parë të blinduar ushtarake.
Ai ka ndarë në rrjetet sociale disa foto nga makina, ku shfaqet së bashku me Arjetën, e cila po punon për këtë arritje të vendit tonë. Sipas Peleshit, Shqipëria i ka kapacitetet të shpikë, të kërkojë, të gjejë, të krijojë dhe të patentojë.
“Së bashku me kompaninë e saj #TIMAK, Arjeta po punon për prototipin e makinës së parë të blinduar ushtarake, #MadeInAlbania. Jam shumë i lumtur që Qendra jonë e Inovacionit i është bashkuar kësaj iniciative të bukur.
Besimplotë që pas 3 javësh, në Paris, në panairin #Eurosatory ne do të prezantojmë me sukses këtë produkt shqiptar.
Shumëkush mund të pyesë se si ka mundësi që një ekip me 75% vajza të reja, arrin të eksportojë makina në 20 shtete të botës dhe madje të guxojë të hyjë pa drojë në tregun e industrisë ushtarake.
Për të gjetur çelësin e suksesit, po ju tregoj çfarë më tha Arjeta gjatë vizitës time te TIMAK. “Më mori dikush në telefon nga Izraeli. Ishte shqiptare dhe kishte parë një ambulancë izraelite Made in Albania dhe ishte çuditur.
Më ndodh shpesh që takoj njerëz që çuditen me ne. Ndërsa unë çuditem me çudinë e tyre,”-më tha ajo. Për të hedhur hapin drejt botës së zhvilluar, së pari duhet të kapërcejmë kompleksin tonë të inferioritetit intelektual.
Po, Shqipëria i ka kapacitetet të shpikë, të kërkojë, të gjejë, të krijojë, të patentojë. Mbi 4000 PhD shqiptarë të diasporës janë ofruar për të kontribuuar në Shqipëri, më thanë përfaqësuesit e #AADF.
I kemi të gjitha!
Ka ardhur koha të guxojmë edhe në inovacion”, ka shkruar ministri./Burimi: abcnews.al
Ai ka ndarë në rrjetet sociale disa foto nga makina, ku shfaqet së bashku me Arjetën, e cila po punon për këtë arritje të vendit tonë. Sipas Peleshit, Shqipëria i ka kapacitetet të shpikë, të kërkojë, të gjejë, të krijojë dhe të patentojë.
