Hapet tuneli i Llogarase, shkurton distancen nga Dukati ne Palase ne 7 minuta
Vepra më e rëndësishme infrastrukturore në jug të Shqipërisë, tuneli i Llogarasë, është hapur sot zyrtarisht për përdorim.
Të pranishëm në ceremoni janë kryeministri shqiptar Edi Rama, ministra, deputetë e zyrtarë vendorë të qarkut Vlorë.
Me një gjatësi prej 5.9 kilometrash, ky tunel do të shkurtojë ndjeshëm kohën e udhëtimit drejt bregdetit të jugut.
Ky tunel, fillimin e tij e ka 500 metra larg urës së Shën Elizës, që është pjesë e rrugës Orikum-Dukat. Vepra ka një gjatësi totale prej 7.42 kilometra.
Tuneli i Llogorasë përbëhet nga dy tunele, tuneli kryesor dhe ai i emergjencës. Si tuneli kryesor, ashtu edhe ai i emergjencës, kanë 11 tunele lidhëse me njëri-tjetrin në gjithë gjatësinë e tyre.
Thellësia e vijës së projektit të tunelit është 1 kilometër nga sipërfaqja e tokës.
Tuneli i Llogorasë do ketë një shpejtësi rreth 80 km në orë. Ai shkurton distancën nga Dukati në Palasë nga 40-45 minuta në vetëm 7-8 minuta.
Ky investim shkurton rrugën për udhëtarët nga Vlora në Palasë që nëse dikur bëhej për 1 orë, tashmë ajo do realizohet për 20 minuta.
I pari që nxori sot pamjet nga projekti në fjalë ishte kryeministri Rama.
“MIRËMËNGJES
dhe me tunelin e Llogarasë, një nga veprat historike që do të ndryshojë përgjithmonë udhëtimin drejt jugut, ju uroj një ditë të mbarë?”, shkroi mëngjesin e sotëm Rama./Burimi: Shqiptarja.com
Të pranishëm në ceremoni janë kryeministri shqiptar Edi Rama, ministra, deputetë e zyrtarë vendorë të qarkut Vlorë.
