Papunesia tek te rinjte, ne nivelin me te ulet ne 15 vjet

Papunësia e të rinjve në mbarë botën vitin e kaluar ra në nivelin më të ulët të 15 viteve.

Ka të ngjarë të vazhdojë të bjerë edhe në vitin 2025, tha Organizata Ndërkombëtare e Punës (ILO) në raportin e fundit.

ILO tha se 64.9 milionë njerëz të moshës 15 deri në 24 vjeç në mbarë botën ishin të papunë vitin e kaluar, një shifër që shkon në 13%.

Pritet që numri i të papunëve të zvogëlohet më tej gjatë dy viteve në vijim për t’u ulur në 12.8% në 2024 dhe 2025.

Përmirësimi në treg u nxit nga ritmet e fuqishme të rritjes ekonomike pas pandemisë COVID-19, e cila ka nxitur kërkesën për punë të të rinjve.

Normat e papunësisë së të rinjve në vitin 2023 u kthyen në normat e tyre para pandemisë ose më të ulëta në shumë prej vendeve, por jo në të gjitha.

Për të rinjtë në Shtetet Arabe, Azinë Lindore dhe Azinë Juglindore dhe Paqësorin, normat e papunësisë së të rinjve ishin më të larta vitin e kaluar se në 2019.

Për shtetet arabe, kjo ishte një vazhdimësi e trendit para COVID-19. Por për nënrajonet aziatike pati një ndryshim drejtimi nga rritja e fortë e viteve të para-COVID.

Organizata e Punës gjithashtu vuri në dukje se mosha mesatare shumë më e ulët e popullsisë në Afrikë sesa në vendet më të zhvilluara ka ngritur pyetje në lidhje me qëndrueshmërinë ekonomike në ato vende.

Të dhënat zbulojnë se shkalla e papunësisë tek të rinjtë ka arritur “në nivele të ulëta historike” në Amerikën e Veriut, në zonat e Evropës Perëndimore dhe është ulur ndjeshëm në Amerikën Latine vitet e fundit.

Raporti nënvizon sfidat e vazhdueshme me të cilat përballen të rinjtë për të fituar punë të denjë.

ILO është e shqetësuar për pasigurinë e shumë prej vendeve të punës që gjejnë personat e moshës 15-24 vjeç dhe që kontribuojnë në nivele të larta ankthi./BURIMI: SCAN

Më të lexuarat