Ndertuesit kunder cmimeve te references, cojne ne Kushtetuese ligjin e ri
Shoqata e Ndërtuesve ka dorëzuar një kërkesë padi në Gjykatën kushtetuese ku kërkon shfuqizimin e pjesshëm të vendimit i cili përcakton çmimet e reja të referencës për shitblerjen e njësive të banimit në Tiranë.
Konkretisht, kërkesë padia ka si objekt shfuqizimin e vendimit nr. 457 datë 26.07.2023, “Për metodologjinë për përcaktimin e vlerës së taksueshme të pasurisë së paluajtshme “ndërtesa”, e bazës së taksës për kategori specifike, natyrën dhe prioritetin e informacionit dhe të dhënave për përcaktimin e bazës së taksës, si dhe të kritereve dhe rregullave për vlerësimin alternativ të detyrimit të taksës”, të ndryshuar””.
Në këtë vendim kërkohet shfuqizimi i pikës dhe të ankesit 2 ku thuhet se “Çmimi për metër katror sipërfaqe ndërtimore për ndërtimet e reja regjistruar sipas lejes së përdorimit në ASHK,
pas hyrjes në fuqi të këtij vendimi, do të indeksohet me koeficientin 0.2 herë më i lartë se çmimi i sipërfaqes së apartamentit të banimit sipas listës së përcaktuar aneksin 1, për 5 vitet e para pas regjistrimit të lejes së përdorimit në ASHK”.
Si dhe në pjesën që ka emërtuar të përcaktojë në Aneksin 1, pika a.2)“ se çmimet mesatare referuese të shitblerjes së ndërtesave që përdoren për qëllime banimi për Bashkinë Tiranë, do të zbatohen për lejet e ndërtimit të dhëna pas hyrjes në fuqi të këtij vendimi” si të papajtueshëm me Kushtetutën.
Në këtë pikë ndërtuesit kërkojnë që çmimet e reja të referencës të miratuara një vit më parë, të mos prekin ato leje ndërtimi që janë dhënë para hyrjes në fuqi të vendimit.
Po ashtu kërkohet pezullimi i këtyre dy pikave deri në momentin e marrjes dhe hyrjes në fuqi të vendimit të Gjykatës Kushtetuese. Gjykata Kushtetuese ka vendosur të zhvillojë seancën për këtë kërkesë padi më datën 13 shtator.
Sipas ndërtuesve, miratimi i çmimeve të reja të referencës në kryeqytet solli dhe një rritje direkte të çmimit të shitjes së pronave nga 200-300 euro për metër katror për shkak të kostove më të larta që duhej të paguanin ndërtuesit, siç është taksa e ndikimit në infrastrukturë./Burimi: Scan
Konkretisht, kërkesë padia ka si objekt shfuqizimin e vendimit nr. 457 datë 26.07.2023, “Për metodologjinë për përcaktimin e vlerës së taksueshme të pasurisë së paluajtshme “ndërtesa”, e bazës së taksës për kategori specifike, natyrën dhe prioritetin e informacionit dhe të dhënave për përcaktimin e bazës së taksës, si dhe të kritereve dhe rregullave për vlerësimin alternativ të detyrimit të taksës”, të ndryshuar””.
