Nis zgjerimi i autostrades Tirane-Durres, nga kthesa e Kamzes deri ne nyjen e Kasharit

Nis sot puna për zgjerimin e rindërtimin e autostradës Tiranë – Durrës, nga kthesa e Kamzës deri në nyjën e Kasharit.

Tashmë po punohet për spostimin fondit të saj të gjelbër nga Bashkia e Tiranës në disa pika, duke filluar nga Parku i Liqenit.

Kryeministri Edi Rama poston pamje me dron të këtyre punimeve. Zgjerimi i rrugës me nga dy korsi për secilën anë nuk prek asnjë banesë private, por vetëm 2-3 biznese.

Zgjerimi konsiston në hapjen e një korsie të plotë 3,75 m dhe korsia e emergjencës 3 m, pra në total do jenë tre korsi hyrëse dhe dalëse plus emergjencat.

Kostoja totale për zgjerimin e rrugës për një afat deri në 24 muaj është 34 milionë euro.

Ndërhyrje do të ketë edhe në rrugën ekzistuese. Në përfundim të punimeve shpejtësia e lejuar do të jetë deri në 130 km për orë./Burimi: Shqiptarja.com

Më të lexuarat