Banka Qendrore ul per here te trete brenda vitit normat baze te interesit
Banka Qendrore Europiane uli në mbledhjen e fundit normat e interesit, për të tretën herë radhazi që nga qershori.
Sipas vendimit të fundit, norma kryesore e interesit ajo që BQE paguan për depozitat e bankave u ul në 3.25%.
Ndërhyrja sipas Bankës Qendrore Europiane është bërë bazuar mbi vlerësimin e përditësuar të inflacionit në Eurozonë dhe transmetimit të fuqisë së politikës monetare që institucioni ka ndjekur.
Sipas zyrtarëve të Bankës Europiane inflacioni që zbriti në shtator në 1.8% është në rrugën e duhur për të shkuar drejt objektivit.
Megjithatë, zyrtarët europianë presin që inflacioni t’I rikthehet trajektores rritëse për të prekur një normë në 2% në pjesën e mbetur të vitit të nxitur nga çmimet e shërbimeve veçanërisht.
Me lehtësimin e politikës monetare, Banka Europiane synon të mbështesë aktivitetin ekonomik të Eurozonës që është në stanjacion e po ashtu përmes kostove më të ulëta të huamarrjes të nxisë shpenzimet.
Për tremujorin e tretë të vitit ekonomistët presin që ekonomia e Eurozonës të ketë një rritje modeste me 0.2% ndërsa si raport vjetor Banka Qendrore Europiane parashikon një zgjerim me 0.8%. vlerësimet për ekonominë në vitin e ardhshëm janë ulur nga 1.4% në 1.3%.
Ndërkohë, Gjermania, ekonomia më e madhe e Eurozonës është thuajse në recesion. Ekonomia gjermane parashikohet të tkurret me 0.2% përgjatë këtij viti./abcnews.al
Sipas vendimit të fundit, norma kryesore e interesit ajo që BQE paguan për depozitat e bankave u ul në 3.25%.
