Situate katastrofike nga permbytjet ne Spanje, rritet bilanci i viktimave

Të paktën 158 persona kanë humbur jetën në fatkeqësinë më të madhe të përmbytjeve në Spanjë, ndërsa ekipet e shpëtimit luftojnë ende për të gjetur të mbijetuar.

Më shumë se 1,200 punëtorë, të ndihmuar nga dronët, u vendosën në misionin e shpëtimit.

"Për momentin gjëja më e rëndësishme është të shpëtojmë sa më shumë jetë të jetë e mundur," u tha kryeministri Pedro Sanchez viktimave në një vizitë në komunitetet e prekura.

Sipas BBC, të paktën 155 vdekje u regjistruan në Valencia, ndërsa dy të tjera janë regjistruar në Castilla-La Mancha në perëndim të provincës dhe një tjetër, në Andaluzi.

Në qytetin Paiporta, Valencia ku një lumë ka dalë nga shtrati, të paktën 40 vdekje janë regjistruar deri më tani. Rrugët dhe autostradat janë nën ujë, ndërsa makinat e rrëmbyera nga stuhia u grumbulluan njëra mbi tjetrën.

Drejtuesit e automjeteve kanë rrëfyer tmerrin e bllokimit nga baticat në rritje, e cila i ktheu autostradat dhe rrugët në lumenj.

Nga pamjet satelitore të një shtrirjeje 7 km të zonave në jug të Valencias shihen ndryshime. Zona ka pamje nga një lagunë e rrethuar nga fusha orizi në Parkun Natyror Albufera dhe është e prirur ndaj përmbytjeve.

Por vëllimi i jashtëzakonshëm i ujërave të shiut që ra në një hapësirë ​​kaq të shkurtër kohore shpërtheu brigjet e lumit Turia dhe përmbyti shtëpitë e mijëra njerëzve. Aq shumë sedimente u dërguan në det nga lumi, saqë mund të shihet nga kilometra hapësinore larg bregut të Mesdheut të Spanjës.

Gjermania, Italia dhe Portugalia janë disa nga shtetet që i kanë shkuar në ndihmë Spanjës në këto ditë të vështira. /Burimi: Shqiptarja

Më të lexuarat