Buxheti 2025 parashikon 18,53 mld per kontratat me PPP
Komisioni parlamentar për Ekonominë dhe Financat po zhvillon një seancë dëgjimore për shqyrtimin e buxhetit dhe investimeve të parashikuara nga Ministria e Infrastruktures dhe Energjise për vitin 2025.
Zv/kryeministrja, njëherësh minister e Infrastrukturës dhe Energjisë, Belinda Balluku, ndër të tjera deklaroi: “Buxheti për kontratat e partneritetit publik-privat për vitin 2025 është 18.53 mld lekë për një nga kontratat më të rëndësishme është Rruga e Arbrit.
Përfundon në mars të vitit 2025, ka patur disa vendime të Këshillit Teknik për shtyrjen e afatit të kësaj kontrate. Ka patur probleme me rrëshqitjet në tunelin e Murrizit.
Nëse të gjitha proceset do të shkojnë ashtu sikurse kanë shkuar deri më sot, shpresojmë që tuneli të hapet në fund të vitit, por afati i kontratës është marsi 2025. Shlyerja nga buxheti i shtetit do të përfundojë në vitit 2031.
Kontrata e dytë PPP është Milot-Morinë. Ka përfunduar ura në lumin Drin dhe pak ditë më parë u hap për qarkullim. Kemi adresuar problematikat për komunitetet, ndërsa vlera e urës është 40 mln euro.
Kontrata e tretë është Orikum-Dukat. Shlyerja fnanciare përfundon në vitin 2033, ndërsa rruga ka përfunduar në vitin 2024”./Burimi: Scan
Zv/kryeministrja, njëherësh minister e Infrastrukturës dhe Energjisë, Belinda Balluku, ndër të tjera deklaroi: “Buxheti për kontratat e partneritetit publik-privat për vitin 2025 është 18.53 mld lekë për një nga kontratat më të rëndësishme është Rruga e Arbrit.
