OSHEE hap tenderin,169 mln lekë për sigurinë kibernetike dhe modernizimin e sistemeve
OSHEE ka shpallur hapjen e tenderit për implementimin e sistemeve të infrastrukturës së komunikimit, të sistemeve të sigurisë së informacionit, si dhe menaxhimit të eventeve i të gjithë shërbimeve të ofruara nga IT OSHEE.
Fondi limit i këtij projekti përllogaritet në vlerën 169,8 milionë lekë.
OSHEE GROUP ka investuar në drejtim të zhvillimit të teknologjisë së informacionit dhe synon zbatimin e politikes së sigurisë me anë të zgjidhjeve inteligjente bashkohore. Në fokus do të jete përdoruesi dhe infrastruktura në teresi, duke implementuar të gjitha fazat e menaxhimit proaktiv të sigurisë kibernetike.
Menaxhimi proaktiv i sigurisë kibernetike synon minimizimin e riskut të sigurisë kibernetike duke zbatuar politikën e sigurisë së OSHEE përmes vleresimit të infrastrukturës.
Qëllimi i këtij projekti është përmirësimi i sigurisë në mënyrë të vazhdueshme. Sipas nevojës, do të të konfigurohen sisteme qe gjenerojne alerte dhe njoftime për rreziqe të vërejtura në kohë reale. Kjo do t’i mundësoje ekipit të sigurisë të jetë i përditësuar dhe të rrisë nivelin e sigurisë në të gjithë infrastrukturën.
Pjesë shumë e rëndësishme e këtij projeki është mbrojtja e aseteve të kompanisë dhe nga përdorues të mundshëm keqdashës të brendshëm. Kjo zgjidhje fokusohet në atë çfarë përdoruesit kryejnë duke vëne në dukje sjellje që ngjasojnë me ato të përdoruesve keqbërës. Kjo zgjidhje do lejojë grupin e sigurisë të fokusohet në identitetin dixhital të përdoruesve dhe sjelljes së tyre aktuale. Andaj sistemi është dizajnuar, për të ofruar siguri maksimale
Në dokument thuhet, se një tjetër nevoje për OSHEE është krijimi një platforme të re CALL Center, për një shërbim më cilësor ndaj klientëve. Kjo platformë do te mundësonte komunikimin dhe raportim me te shpejtë dhe cilësor midis punonjësve te Dispacerive dhe Zyrave Qendrore të OSHEE./Scantv
