Dollari arrin kulmin dy viteve, të dhënat e punësimit frenojnë pritshmëritë për uljen e normës
Euro i afrohet barazisë me monedhën amerikane dhe paundi bie në nivelin më të ulët në 14 muaj
Dollari arriti nivelin më të lartë në dy vjet kundrejt monedhave kryesore, ku paundin pati rënien më të madhe, pasi të dhënat e forta të punësimit në SHBA në fund të javës së kaluar i shtynë tregtarët të ulin pritshmëritë për ulje të mëtejshme të normave të interesit nga Rezerva Federale.
Indeksi i dollarit, i cili gjurmon monedhën amerikane kundrejt një shporte valutash kryesore, arriti nivelin më të lartë që nga nëntori 2022. Lëvizjet e fundit e shtynë euron nën 1.02 dollarë, me monedhën e përbashkët, që i afrohet barazisë me dollarin për herë të parë në më shumë se dy vjet.
Raporti i listëpagesave në SHBA të premten tregoi se 256,000 vende pune u shtuan në dhjetor, duke fryrë vlerësimet e kaluara të konsensusit dhe duke hedhur “dyshime të mëtejshme mbi nevojën që Fed të vazhdojë të ulë normat këtë vit”, tha strategu i lartë në MUFG, Lee Hardman.
Tregjet e shkëmbimeve tani presin vetëm një ulje me një çerek pikë këtë vit, me disa analistë që parashikojnë madje se cikli i lehtësimit ka përfunduar.
Aksionet amerikane, të cilat u bënë objekt i një shitjeje të menjëhershme të premten pas publikimit të të dhënave, ishin gati të ulen përsëri në hapjen e Wall Street, me çmimet e kontratave të së ardhmes të indeksit S&P 500 0.8 % më ulët dhe ato për Nasdaq 100 të fokusuar në teknologji, me 1.2 %.
Paundi arriti nivelin më të ulët në 14 muaj, duke rënë me 0.7 % në 1.213 dollarë dhe duke shënuar përformancën më të keqe midis monedhave të G10. Rënia vazhdon një periudhë problematike të tregtimit për asetet në Mbretërinë e Bashkuar pas shitjes së obligacioneve qeveritare të javës së kaluar.
Obligacionet e qeverisë së Mbretërisë së Bashkuar u dobësuan. Yield-i 10-vjeçar u rrit me 0,02 pikë përqindje në 4,86 %, duke u kthyer drejt nivelit më të lartë 16-vjeçar të javës së kaluar.
Në komentet që nënvizojnë divergjencën transatlantike në politikën monetare, që ka rritur presionin mbi monedhën e përbashkët, Philip Lane, kryeekonomisti i Bankës Qendrore Europiane, paralajmëroi se inflacioni i Eurozonës mund të bjerë nën objektivin e tij prej 2 %, nëse rajoni nuk vazhdon të ulë normat e interesit.
Ndryshe nga pritshmëritë aktuale për vetëm një ulje të normës së Fed-it për tremujor këtë vit, tregjet parashikojnë tre ose katër lëvizje të tilla nga BQE-ja.
Aksionet e Azi-Paqësorit gjithashtu pësuan rënie të hënën. Indeksi S&P/ASX 200 i Australisë ra 1.2 %, ndërsa Kospi i Koresë së Jugut ra me 1 %. Sensex i Indisë ra 1.4 %.
Indeksi Hang Seng i Hong Kongut ra me 1 %, ndërsa CSI 300 i Kinës kontinentale u dobësua 0.3 %.
Aksionet e Kinës kontinentale kanë rënë në mënyrë të vazhdueshme në muajt e fundit, pasi shpresat për një stimul financiar nga Pekini zbehen dhe shqetësimet mbi ndikimin ekonomik të mandatit të dytë të Donald Trump goditën tregun.
Çmimet e naftës u rritën në nivelin më të lartë në katër muaj, pasi SHBA njoftoi të premten sanksione të reja gjithëpërfshirëse ndaj naftës ruse. Çmimet e naftës së papërpunuar Brent, u rritën me 1.7 % në 81.14 dollarë për fuçi.
Andrew Pease, drejtuesi strategjik i investimeve në Russell Investments, tha se pavarësisht pagave të forta, pagat janë ende duke u ulur dhe duke ushtruar presion në rënie mbi inflacionin, dhe pasiguria e politikave është e lartë, duke përmendur tarifat e Trump dhe planet e dëbimit./ Monitor (https://monitor.al/dollari-arrin-kulmin-dy-viteve-te-dhenat-e-punesimit-frenojne-pritshmerite-per-uljen-e-normes/)
Më të lexuarat
