Turizmi gjithëvjetor, netqëndrimet e të huajve u rritën 26 per qind në dhjetor

Shqipëria nuk është interesante për turistët vetëm në verë, por gjatë gjithë vitit.

Të dhënat e INSTAT për strukturat akomoduese bëjnë të ditur se në dhjetor, vizitorët e huaj u rritën me 21% me bazë vjetore, ndërsa net-qëndrimet me gati 26%. Më i dobët ka rezultuar turizmi i brendshëm me ritme rritjeje njëshifrore.

Sipas INSTAT, në muajin dhjetor 2024, treguesit e shfrytëzimit të kapaciteteve të strukturave akomoduese, paraqiten si më poshtë:

Numri i vizitorëve gjithsej është rritur me 13,8%, në krahasim me dhjetor 2023. Të njëjtën ecuri ndjekin edhe dy treguesit e mëposhtëm:

numri i vizitorëve rezidentë është rritur me 6,3%;

numri i vizitorëve jorezidentë është rritur me 21,2%.

Numri i net qëndrimeve gjithsej është rritur me 17,9%, në krahasim me dhjetor 2023. Të njëjtën ecuri ndjekin edhe dy treguesit e mëposhtëm:

numri i net-qëndrimeve nga rezident është rritur me 8,7%;

numri i net-qëndrimeve nga jo-rezident është rritur me 25,9%.

Vizitorë nga Jugu në Veri

Gjatë muajit dhjetor 2024, është shënuar rritje e numrit të vizitorëve gjithsej me 13,8%, krahasuar me dhjetor 2023. Numri i vizitorëve jorezidentë të cilët janë akomoduar në Rajonin Qendër ka shënuar rritje me 20,2%.

Në Zonat Jobregdetare ky tregues është rritur me 14,6%, krahasuar me të njëjtën periudhë të vitit të mëparshëm.

Numri i vizitorëve jorezidentë në “Hotele dhe akomodime të ngjashme” ka shënuar rritje me 19,1%.

Në muajin dhjetor 2024, numri më i lartë i vizitorëve rezulton:

sipas rajoneve në “Rajonin Qendër“ (53,8%);

sipas zonave të afërsisë me bregdetin në “Zonat Jo-bregdetare” (67,7%);

sipas llojit të strukturave akomoduese në “Hotele dhe akomodime të ngjashme” (95,1%).

Net-qëndrime

Gjatë muajit Dhjetor2024, numri i netë qëndrimeve gjithsej është rritur me 17,9%, në krahasim me muajin Dhjetor 2023. Numri i netë qëndrimeve të vizitorëve jo-rezident të cilët janë akomoduar në Rajonin Qendër ka shënuar rritje me 26,5%.

Në Zonat Jobregdetare ky tregues është rritur me 21,8%, krahasuar me të njëjtën periudhë të vitit të mëparshëm. Numri i netë qëndrimeve të vizitorëve jo-rezident të cilët janë akomoduar në “Hotele dhe akomodime të ngjashme” ka shënuar rritje me 23,9%.

Në muajin Dhjetor 2024, numri më i lartë i netë qëndrimeve është realizuar:

sipas rajoneve në “Rajonin Qendër“ (57,4%);

sipas zonave të afërsisë me bregdetin në “Zonat Jo-bregdetare” (64,8%);

sipas llojit të strukturave akomoduese në “Hotele dhe akomodime të ngjashme” (95,3%).

Edhe hotelet kanë qenë më të zëna

Normat neto të shfrytëzimit, të dhomave dhe të shtretërve, janë dy tregues të cilët masin përqindjen e shfrytëzimit të kapaciteteve akomoduese, dhoma e shtretër të disponueshëm për vizitorë.

Gjatë këtij muaji, norma e shfrytëzimit të dhomave të “Hoteleve dhe akomodimeve të ngjashme” është 18,1%, kundrejt 13,3% që ishte në muajin dhjetor 2023.

Norma e shfrytëzimit të shtretërve të “Hoteleve dhe akomodimeve të ngjashme” është 18,0 %, kundrejt 14,7% që ishte në muajin Dhjetor 2023./Monitor(https://monitor.al/turizem-gjithe-vitin-netqendrimet-e-te-huajve-rriten-26-ne-dhjetor/)

Më të lexuarat