Greqia rrit pagën minimale në 880 euro nga 1 prilli

Kryeministri grek Kyriakos Mitsotakis ka njoftuar një rritje të pagës minimale në 880 euro bruto (740 euro neto), nga 830 euro bruto, e cila do të hyjë në fuqi më 1 prill.

Në deklaratën e tij, Mitsotakis e përshkroi këtë rritje si një hap tjetër drejt qëllimit të qeverisë për të arritur 950 euro bruto deri në fund të mandatit të saj.

“Fitimi vjetor neto për punëtorët tani do të jetë pothuajse ekuivalent me një pagë shtesë krahasuar me vitin e kaluar,” tha ai.

Kjo është hera e pestë që rritet paga minimale që nga viti 2019 dhe pritet të përfitojnë rreth 600 mijë punëtorë.

Gjatë gjashtë viteve të fundit, paga minimale ka pësuar një rritje totale prej 35.4%, gati dyfishi i normës së inflacionit për të njëjtën periudhë, që është 18.1%./Monitor(https://monitor.al/greqia-rrit-pagen-minimale-ne-880-euro-nga-1-prilli/)

Më të lexuarat