Numërohen më shumë se gjysma e kutive në Kukës dhe Shkodër, PD kryeson
Në qarkun e Shkodrës, deri tani janë numëruar 203 nga 405 kutitë e votimit.
Sipas rezultateve të deritanishme, Koalicioni Partia Demokratike – Aleanca për Shqipërinë Madhështore kryeson me 19.037 vota, që përbën 40.20% të totalit.
Partia Socialiste e Shqipërisë ka marrë 16.991 vota, ose 35.88%, duke pasuar PD-në. Pjesa tjetër e partive ka marrë mbështetje më të vogël, me Partinë Socialdemokrate që ka siguruar 8976 vota (18.95%) dhe Koalicionin Nisma Shqipëria Bëhet me 617 vota (1.30%).
Lëvizja Bashkë ka marrë 252 vota (0.53%), ndërsa Lëvizja Atdheu ka marrë vetëm 37 vota (0.08%). Pjesa tjetër e partive ka siguruar mbështetje të vogël, duke përfshirë Aleancën Kombëtare Shqiptare me 49 vota (0.10%) dhe Partinë Aleanca Demokracia e Re, që ka marrë 14 vota.
Kukes
Deri në mesditë janë numëruar 78 kuti votimi në Kukës, Ndërkohë nga rezultatet e nxjerra PD kryeson me 53% e ndjekur nga PS me 31%.
Partitë më të vogla kanë arritur të marrin pak vota përkatësisht PSD 14% por sërish nuk ka marrë asnjë mandat. Shqipëria Bëhet ka marrë 1% ashtu si edhe Partia Mundësia.
