Konflikti midis Izraelit dhe Iranit shndërrohet në luftë energjitike, çmimi i naftës në rritje
Sa më shumë përkeqësohet kriza midis Iranit dhe Izraelit, aq më i lartë është çmimi i naftës.
Një situatë e vështirë për t'u parashikuar, e që, përveç opinionit publik global, trondit tregun e hidrokarbureve.
Irani kërcënon të bllokojë Ngushticën e Hormuzit, ndërsa Izraeli shkon përtej strategjisë së "shkatërrimit" të programit të tij bërthamor. Uzinat e naftës bruto në Bandar Abbas dhe gazit në South Pars (të përbashkëta me Katarin) janë goditur.
Sa më shumë përkeqësohet kriza midis Iranit dhe Izraelit, aq më i lartë është çmimi i naftës. Një situatë e vështirë për t'u parashikuar, e që, përveç opinionit publik global, trondit tregun e hidrokarbureve. Kjo për shkak se pasojat e sulmeve midis dy vendeve, dhe ndoshta zgjatja e konfliktit, mund të çojnë në "një rritje të ndjeshme të çmimit të naftës".
Vëmendja është përqendruar në Gjirin e Omanit, ku kalon 30% e naftës botërore. Irani, i cili tashmë ka kërcënuar Shtetet e Bashkuara dhe Izraelin, mund të pengojë lundrimin në Ngushticën e Hormuzit.
Një zgjedhje që do t'i vinte eksportuesit kryesorë të naftës në krizë, dhe jo vetëm: Irakun, Kuvajtin, Arabinë Saudite, Bahreinin, Katarin dhe Omanin, por që paradoksalisht do t'ia lehtësonte gjërat Rusisë së Vladimir Putinit, e cila mund të gjente një ‘frymëmarrje ekonomike’ në eksportin e naftës bruto: burimi kryesor i të ardhurave për Moskën.
Irani tashmë ka kërcënuar të bllokojë Ngushticën e Hormuzit, një veprim që do të kishte pasoja të menjëhershme në furnizimet globale me energji. Për Evropën, rreziku është i drejtpërdrejtë: aksionet themelore të "Naftës dhe Gazit" kalojnë andej.
Çdo ndryshim i atij kalimi detar përkthehet në paqëndrueshmëri ekonomike dhe cenueshmëri energjitike. Situata po rëndohet edhe nga Huthët e Jemenit, një satelit i panjohur pro-iranian që në Detin e Kuq, është i specializuar në sulme ndaj transportit detar.
Çmimet e naftës janë ende në rritje në tregjet aziatike, një rritje që i shtohet asaj prej 13% të javës së kaluar, me një përparim që rrezikon të shndërrohet në një valë inflacioniste e cila, nëse arrihet të mbahet, do ta bënte Rezervën Federale edhe më pak të prirur për të ulur normat e interesit.
Në bursat ndërkombëtar çmimi po rritet. Tregjet evropiane të aksioneve janë më të kujdesshme. Tregu duket optimist, por pavarësisht kësaj, investitorët shohin me shqetësim përfshirjen e Shteteve të Bashkuara në konflikt. Presidenti Donald Trump e konsideron mundësinë të hapur./Shqiptarja.com
