Rusia: Nuk duam të sulmojmë NATO-n, gati të nënshkruajmë marrëveshje sigurie
Në një kohë kur vendet perëndimore po flasin gjithnjë e më shumë për kërcënimin rus, Rusia deklaroi se nuk ka ndërmend të sulmojë asnjë vend të NATO-s.
Marrëveshje sigurie dhe negociata për Ukrainën
Lavrov tha se Moska është e hapur për dialog dhe garanci sigurie me Perëndimin, duke theksuar se Rusia nuk ka plane agresive kundër aleancës euroatlantike. Ai komentoi gjithashtu zhvillimet për një zgjidhje të mundshme të luftës në Ukrainë, duke përmendur rolin e presidentit amerikan Donald Trump në nxitjen e procesit diplomatik.
“Shpresojmë që Presidenti Trump do të vazhdojë sinqerisht të kërkojë një zgjidhje për krizën ukrainase dhe të mbetet i përkushtuar ndaj parimeve të zhvilluara në Samitin e Anchorage, të bazuara në propozimet amerikane,” tha Lavrov.
Sulmet e ndërsjella në territorin rus
Ndërkohë, mediat ruse raportojnë se forcat ukrainase kanë goditur një rafineri nafte dhe një uzinë kimike në Rusinë Perëndimore. Objektivat e sulmeve ishin rafineria “NS-Oil” në Novospasskoye dhe uzina kimike “Stavrolen” në rajonin e Krai Stavropol. Uzina “Stavrolen”, që është në pronësi të kompanisë Lukoil, prodhon benzen, polietilen dhe produkte të tjera petrokimike që përdoren në sektorin ushtarak rus. Së fundmi, SHBA ka vendosur sanksione të reja ndaj Lukoil dhe kompanisë shtetërore Rosneft, duke synuar kufizimin e burimeve energjetike të Moskës.
