Osmani shpërndan Kuvendin, Kosova në zgjedhje të jashtëzakonshme më 28 dhjetor
Kosova shkon në zgjedhje të jashtëzakonshme më 28 dhjetor pas shpërndarjes së Kuvendit nga presidentja Vjosa Osmani.
Presidentja e Kosovës, Vjosa Osmani, deklaroi se zgjedhjet e jashtëzakonshme do të mbahen më 28 dhjetor, vendim i marrë pas konsultimeve me përfaqësuesit e partive politike, ku tetë parti mbështetën këtë datë, pesë u shprehën për 21 dhjetorin dhe tri thanë se ishin në rregull me cilëndo datë, ndërsa ajo ka nënshkruar paraprakisht vendimin për shpërndarjen e Kuvendit pasi deputetët dështuan për herë të dytë të zgjidhnin ekzekutivin e ri të vendit.
Shpërndarja e Kuvendit dhe mungesa e marrëveshjes politike
Nënshkrimi i dekretit për shpërndarjen e Kuvendit erdhi pasi udhëheqësit politikë nuk arritën asnjë marrëveshje që deputetët të votonin disa çështje me rëndësi për vendin, ndërsa Presidenca njoftoi se, në përputhje me Kushtetutën dhe legjislacionin në fuqi, pas pranimit të vendimit të Kuvendit lidhur me dështimin e krijimit të Qeverisë edhe nga mandatari i dytë, është shpërndarë legjislatura e nëntë e Republikës së Kosovës.
“Si presidente e kam për detyrë të jap afatin më të gjatë e jo më të shkurtër që të eliminojmë disa nga sfidat e organizimit të shpejtë të zgjedhjeve”, tha Osmani, duke e cilësuar si “fat të keq” që vendi po mban sërish zgjedhje.
