Trump: Kam anuluar një valë të dytë sulmesh, Venezuela po bashkëpunon me SHBA
Presidenti amerikan, Donald Trump tha se kishte anuluar një valë të dytë sulmesh ndaj Venezuelës për shkak të bashkëpunimit të vendit amerikano-latin me SHBA-në.
“Për shkak të këtij bashkëpunimi, kam anuluar valën e dytë të sulmeve të lajmëruar më parë, e cila duket se nuk do të jetë e nevojshme, megjithatë, të gjitha anijet do të qëndrojnë në vend për qëllime sigurie”, deklaroi presidenti.
Njoftimi erdhi në një postim në Truth Social, në të cilin Trump vlerësoi veprimet e qeverisë në detyrë të Venezuelës.
“Venezuela po liron një numër të madh të të burgosurve politikë si shenjë e ‘Kërkimit të Paqes’”. Ky është një gjest shumë i rëndësishëm dhe i zgjuar.”, theksoi ai.
Trump vazhdoi duke thënë se të dy vendet po “punojnë mirë së bashku, veçanërisht për sa i përket rindërtimit, në një formë shumë më të madhe, më të mirë dhe më moderne, të infrastrukturës së tyre të naftës dhe gazit”.
Presidenti Trump do të takohet në Shtëpinë e Bardhë të premten me drejtues nga kompani të mëdha nafte për t'i bindur ata të rrisin prodhimin e naftës në Venezuelë dhe të bëjnë investime të reja në vend.
