Hapet thirrja për projekte kulturore dhe turistike me fond 190 milionë lekë

Ministria e Turizmit, Kulturës dhe Sportit hap thirrjen për projekte kulturore dhe turistike për vitin 2026, me qëllim mbështetjen e eventeve dhe festivaleve që promovojnë turizmin dhe kulturën.

Ministria e Turizmit, Kulturës dhe Sportit (MTKS) shpall thirrjen publike për projekt-propozime për ngjarje kulturore dhe turistike që do të zhvillohen gjatë vitit 2026 në territorin e Republikës së Shqipërisë, me synim mbështetjen financiare të festivaleve, eventeve dhe iniciativave promovuese që forcojnë turizmin kulturor dhe kreativ, rrisin vizibilitetin e Shqipërisë si destinacion turistik, zhvillojnë industrinë kreative dhe ekonominë kulturore, si dhe nxisin përfshirjen e komuniteteve dhe edukimin kulturor.

 

Thirrja, me një fond total prej 190 milionë lekësh, synon të mbështesë projekte me ndikim kombëtar, lokal dhe komunitar, duke kontribuar në zgjatjen e sezonit turistik, zhvillimin territorial të qëndrueshëm dhe promovimin e identitetit kulturor shqiptar përmes produkteve dhe ngjarjeve cilësore.

 

Njoftimi i plotë:

 

Ministria e Turizmit, Kulturës dhe Sportit (MTKS) shpall thirrjen publike për mbështetje financiare me fonde publike për projekt-propozime në fushën e kulturës dhe turizmit, që do të zhvillohen brenda territorit të Republikës së Shqipërisë gjatë vitit 2026.

 

Mbështeten ngjarjet kulturore dhe turistike që kontribuojnë në:

 

-zhvillimin e turizmit kulturor dhe kreativ,

-promovimin e Shqipërisë si destinacion turistik,

-forcimin e industrisë kreative dhe ekonomisë kulturore,

-përfshirjen e komuniteteve dhe edukimin kulturor.

 

Prioritetet kryesore:

 

Projektet duhet të adresojnë një ose më shumë nga prioritetet e mëposhtme:

 

1.Zhvillimi i turizmit kulturor dhe kreativ përmes festivaleve dhe eventeve cilësore.

2.Fuqizimi i krijimtarisë artistike dhe përfshirja e talenteve të reja.

3.Ndërkombëtarëzimi i ngjarjeve dhe rritja e vizibilitetit turistik të Shqipërisë.

4.Zhvillimi i industrisë kreative dhe ekonomisë kulturore si motor i turizmit.

5.Edukimi kulturor, përfshirja sociale dhe turizmi i qëndrueshëm.

6.Zgjatja e sezonit turistik dhe zhvillimi territorial i qëndrueshëm.

7.Promovimi i identitetit kulturor shqiptar dhe i produkteve origjinale vendase.

 

Kategoritë e mbështetjes:

 

Thirrja ndahet në 3 kategori:

 

Kategoria I – Ngjarje turistike të mëdha me profil të lartë promovues

 

Ngjarje kombëtare ose ndërkombëtare me audiencë të gjerë, ndikim të matshëm turistik dhe shtrirje disa-ditore.

Grant: nga 3,000,000 lekë e lart.

 

Kategoria II – Ngjarje kulturore e turistike për zhvillimin lokal

 

Evente me ndikim në qytete apo zona specifike, që promovojnë artin dhe turizmin lokal.

Grant: 1,000,000 – 3,000,000 lekë.

 

Kategoria III – Aktivitete kulturore e turistike për komunitetin

 

Aktivitete lokale, me fokus komunitetin, grupet e interesit dhe talentet e reja.

Grant: 500,000 – 1,000,000 lekë.

 

Fondi total:

 

190,000,000 lekë në total për vitin 2026.

 

Kush mund të aplikojë?

 

-Organizata jofitimprurëse

-Persona fizikë (vetëm për Kategorinë III)

-Persona juridikë (për projekte në fushën e turizmit)

 

Aplikantët duhet të jenë të regjistruar dhe aktivë në territorin e Republikës së Shqipërisë.

 

Afatet kryesore:

 

Hapja e thirrjes: 16 janar 2026

Afati i fundit i aplikimit: 10 shkurt 2026, ora 16:30

Shpallja e fituesve: 5 mars 2026

Zbatimi i projekteve: mars – dhjetor 2026

 

Dokumentacioni: 

 

1.Udhëzuesi dhe Prioritetet për Thirrjen 2026

2.Formulari i Aplikimit 2026 (Shtojca 2)

3.Formulari i Projekt-Buxhetit 2026 (Shtojca 3)

4.Formulari i Aktiviteteve 2026 (Shtojca 4)

5.Deklarata e Financimit të Dyfishtë (Shtojca 5)

6.Deklarata e Konfliktit të Interesit (Shtojca 6)

7.Deklarata e të Drejtës së Autorit (Shtojca 7)

8.Lista e dokumentave shoqëruese në fushën e kulturës (në varësi të fushës së aplikimit)

9.Lista e dokumentacionit shoqerues ne fushen e turizmit (në varësi të fushës së aplikimit)

Burimi: Ekofin.al

Më të lexuarat