Unaza e madhe, drejt perfundimit

Unaza e Madhe nga Shkolla Teknologjike deri tek Kopshti Zoologjik ka përfunduar thuajse e gjitha, ku këto ditë po punohet vetëm për detajet e fundit.

Pjesa tek Komuna e Parisit që ishte më problematikja dhe ende nuk ishte shtruar, por tashmë edhe ky segment është gati. Fiks në kohë, ashtu siç kishte premtuar kreu i Bashkisë së Tiranës, Erion Veliaj. Ai tha se do të hapet para nisjes së vitit të ri shkollor, që do të thotë para datës 11 shtator. Pas autostradës tashmë po punohet në rrugët dytësore, urat, mbikalimet dhe nënkalimet, siç edhe mund ta shihni në foto. Kështu që këtë javë pritet që  Unaza e Madhe të hapet për të gjithë duke krijuar lehtësi në qarkullim. Më herët, Veliaj ka vënë në dukje se bashkia do të punojë intensivisht  për të përfunduar të gjitha punimet në Unazën e Madhe të Tiranës, që lidh zonën nga Kombinati Ushqimor, deri te zona e Lundrës, para fillimit të vitit shkollor.

Më të lexuarat