700 leke ne muaj kompesim per faturen e dritave

Qeveria ka miratuar fondin 15 milionë USD për kompensim, 700 lekë në muaj për pensionistët kryefamiljarë e të papunët.
Burime pranë Këshillit të Ministrave thanë për gazetën “Panorama” se familjet që përfitojnë mbështetje financiare pas rritjes së çmimit të energjisë do të mund të kompensohen në masën 100%, duke bërë që heqja e fashës 300 kwh të mos dëmtojë ekonomitë e tyre.
Qeveria ka miratuar në buxhetin e vitit 2015, 15 milionë dollarë, ose 1.5 miliardë lekë për të përballuar këtë faturë, ndërsa ka përcaktuar dhe kategoritë që do ta përfitojnë atë. Janë 203.928 familje që do të përfitojnë kompensimin që vjen nga rritja e çmimit të energjisë, ndërkohë që enti i shpërndarjes së energjisë numëron 500 mijë kontrata.

Qeveria është ende në dilemë se ç’do të bëjë me punonjësit e administratës, paga e të cilëve është nën 35 mijë lekë të rinj në muaj, pasi një mbulim edhe i kësaj kategorie të ardhurash, do të prekte dhe sektorin privat, i cili nga ana e tij do ta kërkonte këtë kompensim ashtu si edhe nëpunësit publikë.

Më të lexuarat