Punesimi i studenteve, fakulteti ekonomik, deri ne 70 per qind te punesuar
Punësimi i studentëve pas diplomimit mbetet ende një sfidë në vendin tonë, por kjo nuk duket e tillë për ata të cilët kanë një diplomë të Fakultetit Ekonomik, i cili në renditjen e fundit u shpall një ndër fakultetet më të kërkuara nga të rinjtë.
Sipas drejtuesve të këtij fakulteti, niveli i punësimit tek studentët e ekonomikut është i lartë. Punësimi te ata që kanë përfunduar nivelin bachelor, arrin 10-15% ndërsa kjo shifër rritet ndjeshëm për nivelin e studimeve Master, kryesisht në Master Profesional, me punësim të rreth 65-70% të studentëve .
Drejtuesit e fakultetit shprehen për televizionin SCAN se kjo është një ndër arsyet kryesore të spostimit të nivelit master profesional në oraret e pasdites, si përgjigje e kërkesës së vazhdueshme të studentëve të këtij niveli të cilët janë të punësuar dhe përbëjnë shumicën.
Rreth një vit më parë Universiteti i Tiranës dhe Deloitte Albania kanë firmosur një marrëveshje bashkëpunimi për punimet dhe për programet në nivelin e dytë studimeve në Fakultetin Ekonomik.
Deloitte Albania ka ndihmuar në orientimin e studentëve të masterit profesional dhe shkencor në programet e financave, auditimit dhe kontabilitetit. Gjithashtu studentët në saj të marrëveshjes praktikohen duke krijuar më shumë mundësi punësimi. | SCAN
Punësimi i studentëve pas diplomimit mbetet ende një sfidë në vendin tonë, por kjo nuk duket e tillë për ata të cilët kanë një diplomë të Fakultetit Ekonomik, i cili në renditjen e fundit u shpall një ndër fakultetet më të kërkuara nga të rinjtë.
