Ahmetaj pret shoqaten e ndertuesve: Permiresimi i klimes se biznesit, kryefjala e qeverise

Ministri i Financave dhe Ekonomisë, Arben Ahmetaj. zhvilloi sot një takim me përfaqësues të shoqatës së ndërtuesve, në kuadër të një procesi të gjerë konsultimi që ka filluar me bizneset e vegjël në të gjithë vendin.

Ndarja e përgjegjësisë fiskale midis ndërtuesit dhe pronarit të tokës do të rishikohet. Ministri i Financave dhe Ekonomisë, Arben Ahmetaj, në një takim të zhvilluar me Shoqatën e Ndërtuesve, siguroi se, pas konsultimeve, të cilat parashikohen të vijojnë deri në korrik, do të këtë një formatim të paketës fiskale, ku do të merren parasysh edhe kërkesat e kësaj shoqate. Përfaqësuesi i shoqatës së ndërtuesve të Shqipërisë, Luigj Aleksi, e quajti të padrejtë taksën e truallit, duke kërkuar mbështetjen e ministrisë për rishikimin e saj. Aktualisht ndërtuesit paguajnë taksën e truallit edhe për pjesën që u takon  pronarëve, e cila varion nga 30 deri 45%./Scan

Më të lexuarat