Ndertohet rruge e re ne Rrogozhine – Iu vjen ne ndihme 3 mije banoreve te zones

Ka përfunduar një tjetër rrugë në bashkinë e Rrogozhinës, e investuar nga Fondi Shqiptar i Zhvillimit, ku iu vjen në ndihmë rreth 3 mijë banorëve të zonës.

Bëhet fjalë për rrugën Gërmenj – Okshtun – Zambishtë, 4.2 kilometra që lidh fshatrat e Njësisë Administrative Lekaj, Bashkinë Rrogozhinë me rrugën Kavajë – Rrogozhinë. Investimi prej 83 milionë lekësh të qeverisë shqiptare që u zbatua nga Fondi Shqiptar i Zhvillimit, lehtëson aksesin në shërbime dhe tregje për rreth 3,000 banorë e fermerë të zonës. Në kuadër të këtij projekti është ndërtuar edhe një urë e re 25 metra që lidh Zambishtën me Okshtunin dhe është sistemuar sheshi i fshatit Gërmenj. Gjatë periudhës 2017 – 2018, Fondi Shqiptar i Zhvillimit ka financuar edhe 2 ndërhyrje të tjera në Bashkinë Rrogozhine për rikonstruksionin e 3 rrugëve hyrëse të qytetit të Rrogozhinës dhe rrugën Ura e Çopanit – Zhabjak – Ura e Çorumit./Scan

Më të lexuarat