Secondary Adv

Shqiperia, nder 5 destinacionet e bukura te Europes per udhetime buxhetore

Media kanadeze e rendit Shqipërinë ndër 5 destinacionet ku shpenzohet pak dhe mund të kalohen pushime të bukura. Me këtë lajm kryeministri Edi Rama u ka uruar ndjekësve të tij në Facebook një fundjavë të qetë.

 

“Mirëmëngjesi dhe me këtë artikull të kanadezes ‘Troy Media’ që e rendit Shqipërinë ndër 5 destinacionet më të bukura të Europës për udhëtime buxhetore, ju uroj një fundjavë të qetë”, shkruan Rama. Rama ka postuar edhe disa detaje nga artikulli: “Të gjithë dëshirojmë të shohim më shumë nga bota e mrekullueshme në të cilën jetojmë, por për ata me buxhet të limituar, kjo mund të duket si një ëndërr në diell.. ka plot opsione për të konsideruar në rastet e një buxheti të caktuar dhe ne kemi përzgjedhur disa prej tyre".

 

Shqipëria është një destinacion i përsosur për çdo gjë, që nga një shkëputje nëpër qytet e deri tek një javë e qetë në plazh. Tirana ju ofron vizitorëve një risi në shkëputjen tuaj në qytet, me familjaritet të mjaftueshëm për të përfshirë gjithçka që ju pëlqen! Shtrirja e pacenuar e vijës bregdetare është praktikisht e paprekur për shkak të mungesës së turizmit masiv, që gjithashtu përbën arsyen për çmime shumë më të ulëta! Nuk ka kurthe turistike këtu në të cilat të biesh, kështu që ju mund të rri duarkryq dhe të relaksoheni me një buxhet të ulët prej vetëm 20 – 30 euro në ditë.”/Shqip


Më të lexuarat