Ndertuesit e parregullt, ALUIZNI: lista e re i kalon bashkise per bllokimin e lejeve te ndertimit

Pas publikimit të listës së të gjithë subjekteve ndërtuese të cilët kishin probleme me procesin e legalizimit të pallateve, shkelje në lejen e ndërtimit apo edhe ndërtesa të braktisura, ALUIZNI ka bërë një përditësim të saj, duke veçuar subjektet që janë paraqitur pranë zyrave të këtij institucioni për nisjen e procesit të legalizimit, nga subjektet që ende vijojnë të mos paraqiten pranë këtyre zyrave.

Për këto subjekte, ALUIZNI do t’i kërkojë bashkisë që të mos u japë leje të tjera ndërtimi, deri në përfundimin e procedurave të legalizimit për objektet e ndërtuara prej tyre. “Siç jeni në dijeni, pas disa paralajmërimesh, më dt. 30 maj ALUIZNI publikoi listën paraprake e subjekteve ndërtuese me probleme në procesin e legalizimit të pallateve me shkelje në lejen e ndërtimit apo të braktisur nga ndërtuesit. Pas kësaj subjekteve ju la një tjetër afat një-javor për t’u konsultuar me punonjësit tanë, të shprehnin pozicionin e tyre, pretendimet apo dokumentacionin në dispozicion”, thuhet në njoftimin e ALUIZNI-t. ALUIZNI deklaron se 122 subjekte ndërtues ju përgjigjën thirrjes së tij dhe gjatë ditëve nga 31 maji deri më 5 qershor, kontaktuan me drejtoritë e ALUIZNI-t në Tiranë dhe u përfshinë në procesin e legalizimit të pallateve të braktisura apo me shtesa pa leje duke paraqitur dokumentacion të nevojshëm procedurial.

Listat e reja
Drejtoria e Përgjithshme e ALUIZNI-t bëri dje publike rezultatet përfundimtare të këtij procesi një- javor pune dhe kontaktesh intensive, duke publikuar 4 lista: Lista me 134 subjekte që do t’i përcillet bashkisë, me kërkesën për të mos u pajisur me leje të reja ndërtimi pa përfunduar procedurat e legalizimit për objektet tashmë të nisura prej tyre; Lista me 122 subjekte që iu përgjigjën thirrjes për bashkëpunim dhe u paraqitën për të vijuar procedurat e legalizimit për objektet e ndërtuara prej tyre, apo që u verifikuan për pozicionin e tyre në raport me këto ndërtime; Lista me 57 subjekte për të cilat kanë aplikuar banorët e këtyre objekteve në bazë të VKM 19/2017, ndërsa vetë subjektet ndërtuese nuk janë paraqitur; Lista me 9 subjekte që u përfshinë në thirrjen e bërë në datë 30 maj, gabimisht ose për shkak se shkeljet e tyre nuk kanë të bëjnë me kategorinë e objekteve të braktisura. Edhe në ditët në vijim punonjësit e ALUIZNI-t do të vijojnë pritjen e çdo ankese si nga ana e qytetarëve për denoncime objektesh të tjera, ashtu edhe e subjekteve që kanë pretendimet e tyre.

Një javë më parë, ALUIZNI deklaroi 341 objekte ose persona, që do i përcilleshin zyrtarisht Bashkisë së Tiranës dhe se do ti kërkohej asaj të mos jepte asnjë leje ndërtimi të re për këto subjekte pa përmbyllur pallatet e ndërtuara prej tyre. Në listë u vunë re gabime dhe tashmë lista është përgjysmuar. Në rang republike, gjysma e lejeve të ndërtimit të dhëna nga bashkitë rezultojnë me shkelje.

NJOFTIMI PËR SUBJEKTET NDËRTUES

Të nderuar ndërtues dhe qytetarë,
Siç jeni në dijeni, pas disa paralajmërimesh, më dt. 30 maj ALUIZNI publikoi listën paraprake e subjekteve ndërtuese me probleme në procesin e legalizimit të pallateve me shkelje në lejen e ndërtimit apo të braktisur nga ndërtuesit. Pas kësaj subjekteve ju la një tjetër afat një-javor për t’u konsultuar me punonjësit tanë, të shprehnin pozicionin e tyre, pretendimet apo dokumentacionin në dispozicion. Ishte një surprizë pozitive për ALUIZNI-n fakti që plot 122 subjekte ndërtues ju përgjigjën thirrjes sonë dhe gjatë ditëve nga 31 maji deri dje, kontaktuan me drejtoritë tona në Tiranë dhe u përfshinë në procesin e legalizimit të pallateve të braktisura apo me shtesa pa leje, duke paraqitur dokumentacion të nevojshëm procedurial. Sot Drejtoria e Përgjithshme e ALUIZNI-t bën publike rezultatet përfundimtare të këtij procesi njëjavor pune dhe kontaktesh intensive, duke publikuar 4 lista.

Më të lexuarat