Kantieret ne Kamez - Cilat jane rruget dhe veprat e tjera ku po investohet
Bashkia Kamëz ka publikuar zonat në të cilat aktualisht po zhvillohen punime dhe ecurinë e tyre.
“Zona është kthyer e gjitha në një kantier ndërtimi ku firmat e kontraktuara nga bashkia janë në terren në kryerjen e investimeve të planifikuara për vitin 2018, por dhe në përfundimin e atyre investimeve të cilat ende nuk janë përfunduar për arsye objektive. Kryebashkiaku Xhelal Mziu është thuajse çdo ditë në inspektime për të parë punën e krye në terren, dhe nxitur firmat dhe administratën të jenë aktive në realizimin në kohë të punimeve dhe me cilësi” shkruhet në njoftimin e Bashkisë. Sipas Bashkisë, veç investimeve madhore si aksi i rrugës nga Ura e Institutit tek Kafja e Rremës rreth 7 kilometra, rehabilitimi i qendrës Babrru, është punuar dhe në mjaft KUN dhe akse rrugore të brendshme. E njëjta gjë edhe në Kamëz, ku ndërtimi i rrugëve dhe KUN ka qenë prioritet absolut i bashkisë teksa aktualisht po realizon një prej investimeve më madhore në qytet me fondet e veta si pedonalje dhe qendra e re e qytetit Kamëz. Bashkia thekson faktin se investimet po kryhen me fondet e veta falë mirëadministrimit të të ardhurave, pasi kanë munguar fondet e qeverisë qendrore.
Sipas Bashkisë, janë 137 projekte që janë dorëzuar për financim të qeverisë qendrore por nuk po avancohet me to. E sa i përket investimeve konkrete,më konkretisht në Kamëz janë kryer dhe po kryen investimet në KUN si; rruga Berlin, KUN rruga Bern, Burimi, Çorovodë, Decani, Hasi, Idriz Seferi, Lezha, Qendrë Laknas afër varrezave, Nazmi Rushiti, Prezë, Shkëndija, Kongresi i Lushnjës, Kujtesa, Orikumi, të mbaruara këtë vit.Rrugët Konispoli dhe Zef Lleshi, Montekarlo, 7 marsi, Arraz-Abaz-Horizont, Bajram Curri, Berzhita, Bujar Lako, trotuar, Bytyci, Drini, Rruga e Zanave, Ecerem Cabej, Fan Noli, Rruga Ilira, Kosova, Kuvendi i Dibrës, Leskoviku, Londër vazhdim, Lura, Macukull, Mbretëresha Suzanë, zgjerimi i rrugës Monarkia, Pjetër Arbnori, Prizreni, Roma, Thethi, Tiranë-Berati si dhe Fusha e Sportit Laknas, Tomorri, Zadrima, rruga Zhvillimi Valias. Në Paskuqan po kryhen punimet në KUN pranë shkollës Tahir Sinani, Dino Kalenja, Ibrahim rrugova, Isuf Xhelili, Petro Nini Luarasi, rruga Prengaj, Azem Galica, Abaz Ermenji, Abaz Shehu, Ali Këlcyra.
