Korsite e reja te bicikletave, rritet interesi i qytetareve qe perdorin dyrrotaket

Korsitë e reja të biçikletave në kryeqytet kanë rritur interesin e qytetarëve për të përdorur dyrrotakët.  

Politikat e Bashkisë së Tiranës për të nxitur përdorimin e këtij mjeti ekologjik të lëvizjes duke shtuar në mënyrë të ndjeshme korsitë e dedikuara jo vetëm në rrugët kryesore te Tiranës, duket se ka pasur efekt mëse pozitiv. Në rrugët e Tiranës shihet që shumë qytetarë i janë rikthyer traditës së vjetër për të përdorur biçikletën. 

Qytetarët vlerësojnë këto investime të bashkisë ndërsa shprehen se udhëtimi me biçikletë jo vetëm nuk kushton, por edhe mban trupin në formë, është më i sigurt dhe krijon lirshmëri lëvizje. Edhe pse sfidë për kryeqytetin vazhdon të mbetet edukimi i qytetarëve për të ecur në korsitë e përcaktuara, banorët e kryeqytetit kanë përshëndetur investimet e Bashkisë së Tiranës në këtë drejtim./Top Channel 

Më të lexuarat