Secondary Adv

Rikonstruksioni i bulevardit Vlore. FSHZH: Javen tjeter nis puna per segmentin e dyte

Vijon rikonstruksioni i bulevardit “Ismail Qemali në Vlorë ku sipas FSHZH javën e ardhshme do të nisë puna për segmentin e dytë. 

 

Sipas Fondit Shqiptar të Zhvillimit, pjesa e parë e bulevardit nga rrethrrotullimi pranë Lungomares deri në kryqëzimin me rrugën “Petrit Bisha” është drejt përfundimit. Ndërkohë, njofton se do të nisë puna javën e ardhshme për segmentin e dytë, nga kryqëzimi i Cipajve deri te shkolla industriale, me gjatësi 300 metra. Kryqëzimi i Cipajve do të qëndrojë i hapur për të penguar sa më pak qarkullimin e mjeteve dhe qytetarëve.

 

Punimet përfshijnë ndërhyrje në të gjithë infrastrukturën ekzistuese nëntokësore, projekt të ri i shtresave rrugore, vendosjen e sistemit të ndriçimi, gjelbërimin, etj. Zbatimi i projektit për rikualifikimin urban të bulevardit “Ismail Qemali” ka nisur në pranverë të këtij vitit dhe sipas FSHZH-së pritet të përfundojë brenda vitit të ardhshëm./Scan 


Më të lexuarat