Qeveria miraton karten e qytetarit: Me shume te drejta ne perfitimin e sherbimeve publike

Është miratuar me vendim qeverie karta e të drejtave të qytetarit për përfitimin e shërbimeve publike në zyrat e administratës.

Karta e qytetarit përshkruan në detaje të drejtën e informimit, të drejtën e ruajtjes së informacionit, të drejtën për të marrë shërbim në mënyrë transparente, të drejtën e tërheqjes nga kërkesa, të drejtën e konsultës përpara se të bëjnë një shërbim, të drejtën për trajtim të barabartë në ofrimin e shërbimeve publike etj. Referuar vendimit, të drejtat e parashikuara në këtë kartë janë të zbatueshme për ministritë e linjës dhe institucionet e tjera përgjegjëse për ofrimin e shërbimeve publike, institucionet e pavarura dhe njësitë e vetëqeverisjes vendore. Duke siguruar një bazë të drejtash për qytetarët dhe sipërmarrësit, synohet përmirësimi i cilësisë dhe efektivitetit të ofrimit të shërbimeve publike nga administrata shtetërore./Scan

Më të lexuarat