Agjencia e Parqeve dhe Rekreacionit i shton Tiranes kendin e dyte me te madh te lojrave
Agjencia e Parqeve dhe Rekreacionit në bashkëpunim me Fondacionin TIKA po e kthen pjesën jugore të Parkut të Madh në shesh rekreativ të gjelbëruar e çlodhës.
Agjencia e Parqeve dhe Rekreacionit në bashkëpunim me Fondacionin TIKA ka vijuar punën për sistemin dhe shtrimin e rrugicave te Sheshi i ri Rekreativ në jug të Parkut të Madh të Liqenit.
Kjo hapësirë do të ketë gjithashtu një kënd lodrash për më të vegjlit por edhe sipërfaqe të gjelbra për të krijuar vende çlodhëse për çdokënd që do të shëtitë buzë shëtitores së re. Puna për gjelbërimin e kësaj zone ka nisur edhe më herët ndërsa tani kujdesi i punonjësve të APR-së është përqendruar te rrugicat përreth sheshit.
“Hapësira do jetë një stacion i bukur lodrash e rekreacioni, gjelbërimi e çlodhjeje buzë shëtitores së re e pistave të reja të vrapimit e pedalimit, si zgjidhje edhe për gjithë banorët e Liqenit të Thatë e Saukut”, – sqaron Agjencia e Parqeve dhe Rekreacionit. Sheshi i ri Rekreativ në jug të Parkut do të jetë këndi i dytë më i madh i lodrave në Tiranë pas atij në pjesën e Amfiteatrit./Shqip
