Kodi i ri rrugor, nuk ka ndryshim ne cmimin e patentes dhe procedurat
Të gjithë shoferët që pajisen me një patentë pas datë 15 janar, ditë në të cilën hyn në fuqi Kodi i ri Rrugor, nuk do të ketë asnjë ndryshim në tarifat që do të paguajnë nga ato aktuale apo në periudhën se sa zgjat kursi në autoshkollë.
Drejtoria e Përgjithshme e Shërbimeve të Transportit Rrugor hedh poshtë spekulimet e ditëve të fundit, lidhur me disa ndryshime në kodin rrugor, ku saktëson se nuk ka asnjë ndryshim në vlerat e tarifave të pajisjes me leje drejtimi. Udhëzimi i përbashkët i Ministrisë së Financave dhe ministrisë së Transportit dhe Infrastrukturës së Republikës së Shqipërisë, nr. 34, datë 29.12.2014 është konfirmim i vlerave të mëparshme të aplikuara për tarifat e shërbimit për pajisjen me lejedrejtimi. Gjithashtu, bëhet e ditur se nuk pëson ndryshime as kohëzgjatja e përgatitjes se drejtuesve te ardhshëm në autoshkolla.
Më heret u botua në media se do të kishte një dyfishim të tarifës së pajisjes me leje drejtimi dhe se kohëzgjatja do të kishte ndryshime gjithashtu. "Nuk ka asnjë ndryshim në vlerat e tarifave të pajisjes me leje drejtimi. Udhëzimi i përbashkët i Ministrisë së Financave dhe Ministrisë së Transportit dhe Infrastrukturës së Republikës së Shqipërisë, është konfirmim i vlerave të mëparshme të aplikuara për tarifat e shërbimit për pajisjen me lejedrejtimi.Nuk pëson ndryshime kohëzgjatja e përgatitjes se drejtuesve te ardhshëm në autoshkolla." thuhet në komunikatë.
Drejtoria e patentave sqaron se fillimisht çdo drejtues mjeti pas plotësimit të kushteve do të pajiset me leje drejtimi që ka 20 pikë, e për çdo vlersim pozitiv apo vjetërsi këto pikë do të shtohen, ndërsa për çdo penalitet pikët në patentë do të ulen si një penalitet kushtëzues shtesë veç gjobës që çdo shofer mund të marrë.
