Projekti per vendosjen e sahateve inteligjente

Shqipëria mund të bëhet vendi me teknologjinë më të përparuar përsa i përket matjes së energjisë së konsumuar.Duke u bazuar në praktikat e vendeve nordike, qeveria ka në plan që në pesë vitet e ardhshme të vendosë 1.1 milionë matësa inteligjentë.

Qëllimi është eliminimi i vjedhjeve dhe abuzimeve që kryen në sistem, ndërsa matësit do të funksionojnë me karta të parapaguara.Deklaratat e kryeministrit u bënë gjatë konferencës për analizën e operacioneve të ndërmarra në sektorin energjetik. Ministri i linjës, Damian Gjiknuri, tha se, tregu energjetik do të liberalizohet të paktën deri në 40% të sistemit.

 Kjo falë miratimit të ligjit për sektorin e energjisë në mbledhjen e qeverisë. Një ligj që ka penalizuar sektorin prej më shumë se 7 vitesh. Në konferencë u diskutuan edhe rezultatet e aksioneve të deritanishme për ndërprerjen e lidhjeve të paligjshme.
Humbjet në rrjet mesatarisht gjatë këtij viti janë ulur me 7.2%, duke arritur vlerën e 37.2%, ndërsa arkëtimet janë rritur me 100 milionë dollarë.

Më të lexuarat