Nga 2 marsi hapet tenderi per rrjetin 4G ne Shqiperi
Nga 2 marsi do të çelet tenderi për të futur shërbimin 4G në tregun e telefonisë. Kështu ka deklaruar Pirro Xhixho, kandidat për Këshillin Drejtues të Autoritetit të Komunikimeve Elektronike dhe Postare (AKEP).
Komisioni i Veprimtarisë Prodhuese dhe Tregtisë, në nisje të zhvillimit të seancave të saj, ka si rend dite sot një seancë dëgjimore me AKEP, Autoritetin e Komunikimeve Elektronike dhe Postare. Kreu i saj, Pirro Xhixho deklaroi se janë ulur çmimet në treg, duke u ofruar në këtë mënyrë kompanive konkurrencë. Xhixho shtoi më tej, për sa i përket problematikave në treg dhe hyrjes në fuqi të njehsimit të tarifave komunikuese, se po shqyrtojmë ankesat e kompanive celulare, që na kanë adresuar. Drejtori i AKEP theksoi se jemi përpjekur të ruajmë ekuilibrat në treg. Një tjetër fakt që u deklarua ishte se nga 2 marsi do të çelet tenderi për të futur shërbimin 4G në tregun e telefonisë.
Në seancën e sotme të Komisionit të Veprimtarisë Prodhuese, tregtisë dhe Mjedisit është mbajtur edhe dëgjesa për katër kandidatët e propozuar për Këshillin Drejtues të Autoritetit të Komunikimeve Elektronike dhe Postare (AKEP).
Kandidatët e propozuar për këshillin drejtues të AKEP janë: Anila Denaj, Pirro Xhixho, Ketrin Topçiu, Klarina Abazaj. Sipas Pirro Xhixhos ky institucion nuk ka asnjë debitor në treg pasi është ofruar shërbimi 3G për të gjithë operatorët.
Nga 2 marsi do të çelet tenderi për të futur shërbimin 4G në tregun e telefonisë. Kështu ka deklaruar Pirro Xhixho, kandidat për Këshillin Drejtues të Autoritetit të Komunikimeve Elektronike dhe Postare (AKEP).
