Tatimet kujtojne bizneset: Deri me 10 janar te dorezohen librat e blerjes dhe shitjes

Drejtoria e Përgjithshme e Tatimeve sjell në kujtesë të tatimpaguesve detyrimin për dorëzimin e librave të blerjes/shitjes, brenda datës 10 janar 2020.

“Librat e blerjeve/shitjeve janë të detyrueshëm të mbahen nga të gjithë personat e tatueshëm dhe të dorëzohen elektronikisht për çdo periudhë tatimore. Ato duhet të tregojnë numrin e identifikimit, emrin e personit të tatueshëm, periudhën për të cilën deklarohet dhe çdo të dhënë tjetër të kërkuar. Libri i blerjes dhe i shitjes dorëzohen përpara dorëzimit të deklaratës së TVSH-së të periudhës përkatëse dhe jo më vonë se data 10 e muajit që pason periudhën tatimore që deklarohet” njoftojnë Tatimet. Administrata Tatimore nxit tatimpaguesit për përmbushjen korrekte vullnetare, të detyrimeve që rrjedhin nga legjislacioni tatimor./SCAN

Më të lexuarat