Rekord infektimesh ne Gjermani: Merkel kerkon mbylljen e vendit

Gjermania ka regjistruar rreth 15 000 raste të reja me Covid në 24 orë, sipas institutit Robert Koch duke shënuar rritjen më të lartë ditore që nga fillimi i pandemisë.

Kjo e çon numrin e përgjithshëm të rasteve deri tani në 449 275 dhe të të vdekurve në 10 098. Situata e krijuar ka detyruar kancelaren Merkel të kërkojë një bllokim të lehtë të vendit duke filluar nga 4 nëntori dhe për të tërë muajin. Sipas një dokumenti, qeveria po bën presion për mbylljen e bareve dhe restoranteve nga 4 nëntori deri në fund të muajit, me përjashtime për ushqimin e gatshëm. Sipas planeve, tubimet në publik do të jenë të kufizuara në anëtarët e vetëm dy familjeve dhe turizmi i brendshëm do të ndalohet gjerësisht. Merkel është planifikuar të zhvillojë video-bisedime me kryeministrat e 16 landeve, sot pasdite vonë./Burimi: Balkanweb

Më të lexuarat