Ligji i ri per falimentin, mundesi e dyte per kompanite

Qeveria po përgatit disa ndryshime në ligjin e falimentit që sipas administratorëve të falimentit ka një aspekt pozitiv.Në këto ndryshime theksi vendoset më shumë në një periudhë kohore të caktuar që do ti jepet kompanisë ose shoqërisë që të ketë mundësi për të rimarrë veten, pra të mos shkojë në falimentim të menjëhershëm.

Nëse i referohemi evidencave statistikore të Gjykatës së Tiranës për periudhën Janar – Qershor rezulton që të jenë rreth 54 kërkesa për deklarim falimentimi, prej të cilave 35 janë të përfunduara.Në momentin që një shoqëri tregtare kërkon falimentimin nis edhe puna e administratorëve që kanë filluar të funksionojnë që nga viti 2012. Andia Nuri, administrator e falimentit ndalet tek proçedurat që kryhen, si dhe në ndryshimet që po përgatiten në këtë ligj.

Afati i përfundimit të një deklarimi falimenti zgjat nga dy deri në gjashtë muaj. Kështu nga Janari deri më sot janë paraqitur rreth 40 çështje të reja prej të cilave 33 janë pushuar, një është rrëzuar, 19 janë të papërfunduara dhe një është e pajtuar, për të arritur numrin në total të 54 çështjeve gjithësej të shqyrtuara në këtë periudhë.

Më të lexuarat