Administratori i NASA-s, Jim Bridenstine ka ritheksuar besimin e tij se Plutoni duhet të jetë ende i klasifikuar si një planet.
Astronomët dhe shkencëtarët kryesorë janë grindur për një kohë të gjatë lidhur me çështjen e Plutonit dhe klasifikimin e tij si një jo-planet që nga degradimi i tij në 2006.
Z. Bridenstine deklaroi se ai ende është me besim të fortë se Plutoni duhet të klasifikohet si një planet legjitim. Sipas mendimit tim, Plutoni është një planet, tha ai ndërsa ishte në një turne në ndërtesën e Shkencave të Inxhinierisë Hapësinore në Universitetin e Kolorados.
Në vitin 2006, Unioni Astronomik Ndërkombëtar, një grup global i ekspertëve të astronomisë, vendosi një përkufizim të një planeti që i kërkonte të ishte forca më e madhe gravitacionale në orbitën e tij. IAU e përdori këtë për të tronditur botën planetare dhe për të larguar Plutonin nga radhët e trupave elitarë të sistemit diellor, duke e çuar numrin e planetëve poshtë nëntës.
Meqenëse graviteti i Neptunit ndikon në planetin e tij fqinj Plutoni, dhe Plutoni e ndan orbitën e tij me gazet e ngrira dhe objektet në rripin Kuiper, kjo do të thoshte se Plutoni ishte jashtë statusit të planetit. Por, pavarësisht vendimit zyrtar, shumë nuk e kanë pranuar kurrë.
Hulumtimet nga Universiteti i Floridës Qendrore pretendojnë se arsyeja pse Plutoni humbi statusin e planetit të tij nuk është e vlefshme.
