Samsung po zhvillon nje tjeter telefon te palosshem

Sipas disa burimeve, Samsung tashmë po projekton një telefon të dytë të palosshëm që mund të përkulet poshtë duke formuar një katror kompakt.   

Pajisja raportohet se do të ketë një ekran të brendshëm 6.7 inç që do të paloset në një katror aq të vogël sa të rrëshqasë në xhepin e dikujt dhe të evokojë një dizajn retro në firmë guaske të popullarizuar në kulmin e telefonave. 

Samsung po punon gjithashtu për ta bërë telefonin më të hollë dhe më të lirë se paraardhësi i tij, Galaxy Fold, i cili do tu kushtojë blerësve të pajisjes rreth 2,000 dollarë. Pajisja që po zhvillohet do të ketë gjithashtu një varg kamerash si në pjesën e përparme ashtu edhe në pjesën e pasme, duke përfshirë një lentë të përparme të ngjashme me atë që shfaqet në pajisjen më të re të Galaxy Note. 

Do të ketë gjithashtu dy kamera me pamje të pasme të cilat do të kenë funksionalitet të ndryshëm në varësi të mënyrës se si pozicionohet telefoni, i palosur apo i hapur. Pajisja do të jetë në gjendje të përdorë të dyja kamerat. Një avantazh kryesor që telefoni do të ketë mbi Galaxy Fold,do të jetë forma e tij. 

Projekti më i ri i Samsung do të përfshihet në atë që është në thelb forma e një telefoni inteligjent normal që do të thotë zhvilluesit nuk do të duhet të hartojnë raporte aspektesh të personalizuara për aplikacione në pajisje. 

Në teori, telefoni tingëllon si një përmirësim në telefonat më të mëdhenj, më të shtrenjtë, të palosshëm aktualisht në prodhim, por mbetet të shihet nëse pajisja do të jetë në gjendje të shmangë të metat kritike që kanë dëmtuar pajisjet e kompanisë. Sipas Samsung, telefoni i palosshëm është gati për të dalë në treg, megjithëse kompania ende nuk ka njoftuar një datë konkrete.

Më të lexuarat