Zyrtarët në agjencinë hapësinore tani po synojnë gjysmën e fundit të vitit 2024, kohën kur njerëzit do të ulen pranë polit jugor të Hënës.
Objektivi është vendosur për ti dhënë NASA më shumë kohë për të realizuar projekte që janë të nevojshme për një mision të suksesshëm. Më 12 shtator, NASA zbuloi detajet e para të zbarkimit të hënës.
Të gjithë e dimë se 2024 është data e madhe, ne nuk kemi një ditë specifike që është ende e kodifikuar, u shpreh NASA. Ne po synojmë diku në gjysmën e fundit të vitit 2024. Kjo na jep pak më shumë kohë. Agjensia hapësinore ka qenë nën një presion të madh këtë vit për t'i vendosur njerëzit përsëri në Hënë, posaçërisht nga Zëvendës Presidenti i Shteteve të Bashkuara, Mike Pence.
Në fillim të këtij muaji, nënkryetari njoftoi afatin pesë-vjeçar dhe sfidoi NASA për të përmbushur objektivin. Ulja e njerëzve në hënë paraqet synime jashtëzakonisht të mëdha për NASA, dhe ajo tashmë ka qenë duke u përpjekur të përmbushë afatet e saj.
Në vend që të përdorë raketën e vet SLS për provat fillestare, NASA tha më parë se në vend të kësaj mund të duhet të përdorë një raketë të zhvilluar komercialisht në mënyrë që të mos mbetet pas me kohën. SLS dhe Orion pritet të jenë gati për fluturimin e tyre të parë të testit në vitin 2020.
Për t'i futur të dy komponentët në orbitë rreth Hënës siç është planifikuar, NASA do të ketë nevojë për dy raketa. Agjensia Hapësinore po avancon me përgatitjet për të mos vonuar nisjen e planifikuar.
