Citicape House, është ndërtesa me përdorim të përzier në Londër që do të ketë "murin më të madh të gjelbërt në Europë" duke ndihmuar në përmirësimin e cilësisë së ajrit.
Citicape House do të mbështillet nga një fasadë prej 400,000 bimësh që shpresohet të "kapin mbi tetë ton karbon dhe prodhojnë gjashtë ton oksigjen" çdo vit.
Ndërtesa do të jetë e vendosur në një zonë me trafik të rënduar midis Farringdon dhe Moorgate në qytetin e Londrës. Dizajni është krijuar nga studio e Londrës Sheppard Robson për të zëvendësuar një ndërtesë ekzistuese zyre në cepin e Holborn Viaduct, dhe të demonstrojë se si mjedisi i ndërtuar mund të adresojë çështje të tilla si ndryshimi i klimës dhe ndotja e ajrit.
Në vend që të kishim një hapësirë të gjelbëruar të izoluar, ne menduam se një qasje gjithëpërfshirëse dhe e integruar do të ndikonte më së shumti në kushtet e mjedisit lokal, duke bërë një qytet më të mirë dhe më të gjallë, si dhe duke artikuluar një thënie të qartë arkitekturore, u shpreh firma.
Sapo të përfundojë, CiticapeHouse 11-katëshe do të përmbajë një hotel me pesë yje, së bashku me një mjedis me funksion të përzier zyrash, hapësira bashkëpunimi dhe eventesh.Fasada e gjelbër e ndërtesës do të përafrohet me kornizat e aluminit, si një shprehje e jashtme e superstrukturës së saj të hollësishme.
Përbërja e fasadës shpreh mbërthimin që qëndron prapa saj, kështu që ka një integritet ndaj arkitekturës. Citicape House do të jetë e plotë me një tarracë të arritshme publikisht në katin e njëmbëdhjetë që do të ofrojë pamje pa pengesa të qytetit.
