Një aplikacion i ri i quajtur Spelfie, përdor satelitët e Airbus për të shkrepur foto tuajat që nga hapësira.
E quajtur Spelfie, teknologjia shkrep fotografitë nga mbi 400 milje mbi Tokë duke përdorur kamera në satelitët e vëzhgimit të Airbus Earth.
Imazhet nuk do të tregojnë një afërsi të fytyrës së përdoruesit, por janë krijuar për të kapur një grup të madh në një event të tillë sportiv apo edhe protestë ambientaliste. Selfie e parë në botë e marrë nga hapësira u zbulua në një dokumentar të BBC në fillim të kësaj jave.
Përdoruesit konfirmojnë një event për të marrë pjesë në aplikacion, i cili është falas për t'u shkarkuar, teksa eventet janë krijuar nga partnerë dhe sponsorë të jashtëm. Ata më pas bëjnë një selfie në kohën dhe vendin e caktuar dhe presin që Spelfie e tyre të zbresë nga hapësira në të njëjtën ditë.
Airbus ka pothuajse 50 satelitë të vëzhgimit të Tokës që qarkullojnë planetin tonë, të cilët përdorin kamera optike për të shpuar nëpër re dhe për të shkrepurimazhe me cilësi të lartë. Airbus përdor flotën e tij për të kapur imazhe të shumë sfidave mjedisore me të cilat përballet sot shoqëria përfshirë shpyllëzimet, katastrofat natyrore siç janë zjarret, përmbytjet dhe thatësira dhe monitorimi i ndotjes.
Airbus kohët e fundit zbuloi konceptin e tij për një satelit të ri për të monitoruar motin e hapësirës.
