Anija kozmike e NASA InSight, vërteton se Marsi ka tërmete ashtu si Toka dhe zbulon 450 dridhje në një vit, duke sugjeruar se mund të ketë jetë në Planetin e Kuq.
Ngjarjet e rregullta sizmike do të thotë se mund të ketë vullkane aktive me magmë të lëngshme dhe madje edhe ujë nën planetin, duke krijuar një mjedis që organizmat të lulëzojnë.
Nëse ekziston një magmë e lëngshme në Mars, kjo mund të sugjerojë jetën aktuale dhe aktive. Shkencëtarët thonë se të kuptuarit më shumë rreth aktivitetit sizmik të planetëve, përveç Tokës, mund të zbulojë të dhëna për mënyrën se si u formua Sistemi Diellor.
InSight u dërgua për të studiuar brendësinë e thellë të Planetit të Kuq. Ajo mbart një sërë instrumentesh për të ekzaminuar në detaje Marsin, përfshirë aktivitetin sizmik, atmosferën, erën dhe luhatjet e temperaturës. Dridhjet sizmike u zbuluan në Mars falë një sërë sensorë silikoni të ndërtuar në pajisjet.
Më në fund, për herë të parë kemi vërtetuar që Marsi është një planet sizmikisht aktiv, u shpreh një prej studiuesve. E para e ashtuquajtur 'Marsquake' u regjistrua në Prill 2019. Që atëherë, ajo ka zbuluar më shumë se 450 goditje, tërmete të vogla shumë më të vogla se çdo gjë në Tokë.
Studiuesit thonë se kjo siguron prova të forta se aktiviteti sizmik në Mars nuk është vetëm pasojë e ftohjes dhe tkurrjes së planetit, por gjithashtu shkaktohet nga pllaka tektonike duke u futur në njëra-tjetrën ose duke u larguar.
