Honor pjesë e gjigandit të smartphoneve Huawei, ka zbuluar një smartphone me aftësinë për të lexuar temperaturën e një përdoruesi.
Telefoni, i quajtur Honor Play 4 Pro u zbulua në një video në llogarinë Weibo të kompanisë sipas XDA Developers dhe siç duket mund të përdorë një sensorë të integruar për të matur temperaturën kur mbahet në dore ose fytyrë.
Honor, i cili është një degë e gjigantit kinez të smartphoneve Huawei, planifikon të lëshojë pajisjen në Kinë por nuk ka njoftuar ndonjë plan për një lëshim ndërkombëtar. Smartphoni do të dalë në shitje në Kinë për rreth 420 dollarë përfshirë sensorin e temperaturës ose 407 dollarë pa atë.
Siç është raportuar nga The Verge, Play 4 Pro do të funksionojë në një spektër mjaft të gjerë të temperaturave që shkojnë nga -20 gradë Celsius deri në 100 gradë Celsius. Sipas Honor, telefoni mund të lexojë temperaturat deri në të dhjetat e një gradë.
Ndërsa një sensor që është i aftë të matë temperaturën e dikujt nuk mund të jetë pikë e madhe e shitjes në një smartphone, pajisja mund të gjejë një audiencë midis bazës së konsumit të Kinës duke pasur parasysh pandeminë në vazhdim.
Teorikisht, të kesh një termometër në dorë gjatë gjithë kohës mund t'i ndihmonte njerëzit të marrin vendime të informuara nëse duhet të shkojnë te mjeku, të qëndrojnë në shtëpi, ose thjesht të kontrollojnë mirëqenien e tyre.
Jashtë sensorit të temperaturës, Play 4 Pro do të vijë me 8 GB RAM, dhe dy kamera të pasme, përfshirë një për zmadhim. Të dy modelet e telefonit do të mbështesin 5G dhe kanë ekrane 1080p sipas The Verge.
