NASA ka ndarë një azhornim për misionin e saj Artemis, i cili synon të ulë gruan e parë në Hënë në vetëm katër vjet.
Agjencia hapësinore ka siguruar që misioni është ende në rrugë të mbarë, me një lëshim pa pilot të vendosur për 2021, përpara një nisjeje me njerëz në 2024. Kjo do të shënojë herën e parë që një grua ka shkelur në hënë, 52 vjet pasi burri i parë shkeli për herë të parë sipërfaqen hënore.
Ne do të kthehemi në Hënë për zbulime shkencore, përfitime ekonomike dhe frymëzim për një gjeneratë të re të eksploruesve, u shoreh NASA. Ndërsa ndërtojmë një prani të qëndrueshme, ne gjithashtu po ndërtojmë vrullin drejt atyre hapave të parë njerëzorë në Planetin e Kuq.
Misionet hënore do të fillojnë duke përdorur raketën e re të fuqishme të NASA, SLS. SLS do të nisë në një fluturim provë rreth hënës me anijen Orion në 2021 pa astronautë. Dy vjet më vonë, një tjetër fluturim provë rreth Hënës do të ndodhë, këtë herë me astronautë në bord.
Më në fund, në 2024, NASA do të përpiqet të zbresë në Polin hënor të Jugut, me një astronaute femër që bën hapin e parë në sipërfaqe. Ndërsa janë në hënë, astronautët do të mbledhin mostra dhe do të kryejnë një sërë eksperimentesh shkencore gjatë gati shtatë ditëve.
Ata më pas do të kthehen në orbitën hënore përpara se të kthehen në Tokë në bordin e Orionit. Ndërkohë, NASA po punon gjithashtu për konceptet për ndërtesat në hënë, të cilat mund të lejojnë ekspeditë të mëtejshme me më shumë ekuipazh.
