Astronomët kanë zbuluar atë që ata e përshkruajnë si planetin më ekstrem i parë ndonjëherë, ku temperatura e sipërfaqes është 3200 ° C.
Duke përdorur teleskopin hapësinor CHEOPS, studiuesit nga Universiteti i Bernës kanë kryer një studim të hollësishëm të ekzoplanetit, të quajtur WASP-189b. Planeti orbiton rreth yllit HD 133112, i cili është një nga yjet më të nxehtë që dihet se ka një sistem planetar.
Monika Lendl, e cila drejtoi studimin, tha: Sistemi WASP-189 është 322 vite dritë larg dhe ndodhet në yjësinë Libra .WASP-189b është veçanërisht interesant sepse është një gjigant gazi që orbiton shumë afër tek ylli pritës i tij. Duhen më pak se 3 ditë që të rrethojë yllin e saj, dhe është 20 herë më afër tij sesa Toka me Diellin.
Sipas studiuesve, WASP-189b ka një anë që është përgjithmonë ditën, dhe një që është përgjithmonë natën. Bazuar në vëzhgimet që përdorin CHEOPS, ne vlerësojmë se temperatura e WASP-189b është 3,200 gradë Celsius, thanë studiuesit. Planetët si WASP-189b quhen 'Jupiterë ultra-të nxehtë'.
Hekuri shkrihet në një temperaturë kaq të lartë, dhe madje bëhet i gaztë. Ky objekt është një nga planetet më ekstremë që ne njohim deri më tani. Për shkak se planeti është shumë larg, shkencëtarët nuk mund ta shohin atë drejtpërdrejt. Në vend të kësaj, teleskopi CHEOPS përdor matje precize të shkëlqimit për të zbuluar planetet.
